Sansar News
तारा बिष्ट छन्दार्पण
हाल : मलेसिया
जलाए दिल उनैले सादगी बिर्से
गरी पूजा भयो के? आरती बिर्से
सबै मान्छे खुसी खोज्दै गए टाढा
बुबा आमा र आफ्नै घरधुरी बिर्से
गुमाए के कमाए के बसे एक्लै
गई मुग्लानमा तिनले खुसी बिर्से
धनी बन्ने इरादा भो लुटे जनता
महल पाए गरिबका झोपडी बिर्से
जलेका जून ‘तारा’ छन् अँध्यारोमा
उज्यालो रोशनी छर्दै जली बिर्से
बहरः हजज मुसद्दस सालिम
अर्कान : मुफाईलुन् मुफाईलुन् मुफाईलुन्
वजन ; १२२२ – १२२२ – १२२२
काफियाः स्वर काफिया ई
रदिफः बिर्से
अभ्यास : स्वर्ण पाठशाला
वि.सं.२०८१ माघ १९ शनिवार ०५:०६ मा प्रकाशित
