back

कोरियाको भाषा परिक्षा अब मोबाइल एपबाटै दिन सकिने

वि.सं.२०७४ जेठ १६ मंगलवार

129 

shares
Global IME AD
NMB Bank Limited Long Ad Banner

१६ जेठ, काठमाडौँ । आगामी जेठ २६ र २७ गते हुन लागेको कोरियामा रोजगारीका लागि अनिवार्य रहेको भाषा परीक्षा (इपिएस टपिक) को तयारी मोबाइलबाटै गर्न सकिने गरी निःशुल्क मोबाइल एप तयार भएको छ।

उरी कन्सलटेन्सीले एन क्लाउड र साइबर लिङ्कसँग सहकार्य गरी तयार पारेको यो एपमा इपिएस टपिक परीक्षामा जस्तै सुनाइ र पढाइका प्रश्नहरु र सम्भावित उत्तर राखिएका छन्।

‘इपिएसमा जस्तो किसिमले प्रश्न सोध्ने गरिन्छ, त्यही शैलीमा हामीले एपमा प्रश्नहरुको सेट राखेका छौँ,’ उरी कन्सलटेन्सीका उदेश श्रेष्ठ भन्छन्, ‘एप चलाएर सजिलै टेस्ट दिन सकिन्छ, टेस्ट दिने बित्तिकै यसको रिजल्ट तपाईँले हेर्न सक्नुहुन्छ। यसले तपाईँलाई वास्तविक इपिएस परीक्षाका लागि आत्मविश्वास पनि जगाउँछ।‘

‘हामीले पहिले प्रिमियम एप बनाएका थियौँ जसका शुल्क तिर्नुपर्थ्यो’ एनक्लाउडका दीपेन्द्रनारायण श्रेष्ठ भन्छन्, ‘अहिलेको एप डाउनलोड गर्न चलाउन भने कुनै शुल्क तिर्नुपर्दैन।’

छोटो समयमै लोकप्रिय यो एप हाललाई एण्ड्रोइड फोनहरुमा मात्रै उपलब्ध रहेको र निकट भविष्यमा आइफोन प्रयोगकर्ताहरुलाई लक्षित गरी निर्माण गरिने उनले बताए।

उनका अनुसार लेबर कन्ट्र्याक्ट,रोजगार अनुमति लगायत इपिएससँग सम्बन्धित सबै समाचार पनि यही एपमार्फत् थाहा पाउन सकिने व्यवस्था गरिने छ।

यो एप गुगल प्लेस्टोरमा उरी इपिएस टपिक टेस्ट (Woori EPS TOPIK Test) सर्च गरी डाउनलोड गर्न सकिन्छ।

थप जानकारी आवश्यक भएमा
उदेश श्रेष्ठ, उरी कन्सलटेन्सी, 9803719505
दीपेन्द्रनारायण श्रेष्ठ, एनक्लाउड, 9851007937

वि.सं.२०७४ जेठ १६ मंगलवार ०३:२१ मा प्रकाशित

उच्च अङ्कले घट्यो नेप्से

उच्च अङ्कले घट्यो नेप्से

काठमाडौँ । धितोपत्र बजारमा शेयर कारोबार मापक नेप्से परिसूचक आज...

काठमाडौँमा वर्षा, विदेशी विमान अवतरण हुन सकेनन्

काठमाडौँमा वर्षा, विदेशी विमान अवतरण हुन सकेनन्

काठमाडौँ । काठमाडौँलगायत देशका विभिन्न स्थानमा हल्का वर्षा भएको छ...

फागुन १३ गतेदेखि नारायणगढ-मुग्लिन सडक बन्द नगरिने

फागुन १३ गतेदेखि नारायणगढ-मुग्लिन सडक बन्द नगरिने

चितवन । दैनिक चार घण्टा सवारी रोकेर पुल निर्माणका लागि...

घरेलु मदिरालाई वैध बनाउदै गण्डकी प्रदेश

घरेलु मदिरालाई वैध बनाउदै गण्डकी प्रदेश

गण्डकी । लुकीछिपी उत्पादन र बिक्री वितरण भइरहेको घरेलु मदिरालाई...

त्रिविको उपकुलपति बने प्राडा केशरजङ्ग बराल

त्रिविको उपकुलपति बने प्राडा केशरजङ्ग बराल

काठमाडौँ । त्रिभुवन विश्वविद्यालयको उपकुलपतिमा प्रा डा केशरजङ्ग बराल नियुक्त...

नेपाल ए पराजित, क्यानडाले जित्यो शृङ्खला

नेपाल ए पराजित, क्यानडाले जित्यो शृङ्खला

काठमाडौँ । एकदिवसीय शृङ्खलाको तेस्रो तथा अन्तिम खेलमा नेपाल ए...