हामी सबैकाे संसारन्यूज

काठमाडौँ । नेपाल समाजवादी पार्टी (नयाँ शक्ति)को अध्यक्षमा डा. बाबुराम भट्टराई निर्वाचित भएका छन् । गत माघ २७ गतेयता काठमाडौँको प्रज्ञा प्रतिष्ठानमा जारी पार्टीको पहिलो महाधिवेशनमा अध्यक्ष पदका लागि भट्टराईसहित युवा नेता नेत्र चापागाईँ प्रत्याशी थिए ।

चापाइलाई पराजित गर्दै भट्टराई अध्यक्षमा निर्वाचित भएका हुन् । सोही पार्टीकी नवनिर्वाचित उपाध्यक्ष मानुषी यामि भट्टराईले अध्यक्षमा भट्टराई निर्वाचित भएको जानकारी दिँदै औपचारिक घोषणा साँझ ५ बजेको पत्रकार सम्मेलनबाट गरिने बताए । नयाँ शक्तिले ११ सदस्यीय पदाधिकारी ९९ सदस्यीय केन्द्रीय समिति चयन गरेको छ ।