Sansar News
आसन्न स्ववियू निर्वाचनमा देशै भरका विभिन्न क्याम्पस रुममा अखिल (क्रान्तिकारी)ले सङ्गठन दर्ता गरेको छ । उपत्यकासहित आठ वटा प्रदेशका तीन सय ४५ क्याम्पसहरूमा क्रान्तिकारीले सङ्गठन दर्ता गरेको हो ।
अखिल क्रान्तिकारीका महासचिव रोशन थापाका अनुसार प्रदेश नम्बर एकमा ५७, मधेस प्रदेशमा १०, बागमती प्रदेशमा ५७, गण्डकी प्रदेशमा २४, लुम्बिनी प्रदेशमा ७७, कर्णाली प्रदेशमा ३०, सुदूरपश्चिम प्रदेशमा ५३, काठमाडौँ उपत्यकामा ३७ वटा क्याम्पसमा क्रान्तिकारी)ले सङ्गठन दर्ता गरेको हो ।
उनले एक सूचना जारी गर्दै केही ठाउँहरूमा तालाबन्दी, विवाद, क्याम्पसको छुट्टै कार्यपालिका लगायतका कारण, सङ्गठन दर्ता हुन नसकेको र भोलि सम्ममा हुने बताएका छन् ।
थापाले सम्पूर्ण इकाई, पालिका, जिल्ला, प्रदेश तथा केन्द्रीय समितिका पदाधिकारी तथा सदस्यहरूलाई चैत्र ५ गते सम्म स्ववियू निर्वाचनमा एकमत भएर खटिन समेत निर्देशन दिएका छन् ।
वि.सं.२०८१ फागुन २० मंगलवार १६:३५ मा प्रकाशित
