प्रकाश ढकाल
कोपनहेगन, डेनमार्क। जनसम्पर्क समिति डेनमार्कले डेनमार्कका लागि नवनियुक्त राजदूत सुम्निमा तुलाधरलाई स्वागत तथा भेट्घाट गरेको छ।
नवनियुक्त राजदूतलाई स्वागत गर्दै जनसम्पर्क समिति डेनमार्कका सभापति बुद्धिप्रसाद सापकोटाले सफल कार्यकालको लागि शुभकामना व्यक्त गरेका थिए । साथै उनले दूतावासलाई सम्पूर्ण साथ र सहयोग गर्दै नेपाली समुदायको हितको लागि दुतावाससंग सहकार्य गर्न संस्था हरदम तयार रहेको बताए ।
उक्त स्वागत तथा भेट्घाट कार्यक्रममा नवनियुक्त राजदूत सुम्निमा तुलाधरले यसरी संस्थाबाट भेट्न आउँदा आफूलाई अत्यन्तै खुसी लागेको र संस्थासँग सहकार्य गर्न सधैं तत्पर रहेको बताइन् ।
सो अवसरमा जनसम्पर्क समिति डेनमार्कका संस्थापक सभापति नवीनराज पौडेल, जय नेपाल फाउन्डेसनकी अध्यक्ष सीता बराल तथा महिला सामाजिक अभियान्ता तथा एनआरएन डेनमार्क पूर्व महिला उपाध्यक्ष जमुना रिजाल कंडेल समेतले राजदूत तुलाधरलाई स्वागत गर्दै महिला राजदूत पाएकोमा डेनमार्कको नेपाली समाजले गौरवको महसुस गरेको बताए ।
सो अवसरमा राजदूत तुलाधरले नेपालमा रहँदा आफूले गरेका केही सामाजिक कामहरु साथै देशको लागि गरेका केही महत्वपूर्ण घटनाहरूको बारेमा बताएकी थिइन।
उक्त स्वागत कार्यक्रममा एन आर एनए डेनमार्कका निवर्तमान अध्यक्ष शैलेन्द्र अधिकारी, जनसम्पर्क समिति डेनमार्कका पुर्व सभापति रामचन्द्र पाठक, कास्की समाज डेनमार्कका अध्यक्ष मंगल परियार लगायत जनसम्पर्क समिति डेनमार्कका वरिष्ठ उपसभापति प्रकाश ढकाल तथा महामन्त्री कृष्ण गिरीले समेत राजदूत तुलाधरलाई स्वागत गर्दै सफल कार्यकालको लागी शुभकामना व्यक्त गरेका थिए ।
वि.सं.२०८१ चैत ९ शनिवार १७:०६ मा प्रकाशित
