हामी सबैकाे संसारन्यूज

काठमाडौँ । प्रेस सेन्टर नेपालको पाँचौँ राष्ट्रिय महाधिवेशनबाट कमल गिरी अध्यक्षमा निर्वाचित भएका छन् । उनी नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठ ‘प्रकाश’सँगै एकता प्रक्रियामा आएका पत्रकार हुन् ।

वरिष्ठ उपाध्यक्षमा सुरेशचन्द्र अधिकारी, उपाध्यक्षहरू लक्ष्मण खड्का, विवेक गौतम, रामसिंह ठगुन्ना, दीपक श्रेष्ठ, शान्ता अधिकारी महासचिव मनोज घर्ती मगर निर्वाचित भएका छन् । महासचिवमा निर्वाचित भएका घर्तिमगर जनयुद्धमा युद्ध पत्रकारिता गरेर आएका पत्रकार हुन् ।

केन्द्री समितिको उपमहासचिवहरूमा ज्ञानप्रसाद पौडेल, बुद्ध लोप्चन, हरिस विक, लक्ष्मी आचार्य र अनिल मिश्र, सचिवहरूमा सुरेन्द्र चालिसे, नन्दलाल तिवारी, सन्तोष देउजा, सुनिता बराल, अञ्जली थापा, अवतार राई, कोषाध्यक्ष वसन्त गिरीमा निर्वाचित भएका छन् ।

प्रेस सेन्टरको पाँचौँ राष्ट्रिय महाधिवेशनमा पदाधिकारीको विषय सहमतिमा टुङ्गाउन प्रयास गरे पनि सहमति नभएपछि निर्वाचन भएको थियो । गए राती भएको निर्वाचनको मत परिणाम आज बिहान मात्र आएको थियो ।