हामी सबैकाे संसारन्यूज

काठमाडौँ । सामाजिक सञ्जालको दुरुपयोग गरी युवतीको चरित्रहत्या गर्ने एक युवकलाई नेपाल प्रहरीले पक्राउ गरेको छ । पीडित युवतीसँग विगतमा प्रेम सम्बन्ध रहेका युवकले सम्बन्ध विच्छेदपछि प्रतिशोधको भावना राखी युवतीका गोप्य तस्बिर तथा भिडियोहरू सामाजिक सञ्जालमार्फत सार्वजनिक गरेका थिए ।

यस घटना सम्बन्धी प्रेस विज्ञप्ति जारी गर्दै प्रहरी उपरीक्षक तथा सूचना अधिकारी दीपक राज अवस्थीले भने, ‘युवतीलाई मानसिक र सामाजिक रूपमा क्षति पु¥याउने उद्देश्यले युवकले सामाजिक सञ्जाल प्रयोग गरी चरित्र हत्या गर्ने कार्य गरेका थिए । यस्तो आपराधिक क्रियाकलापको सम्बन्धमा अनुसन्धानपछि उनलाई पक्राउ गरिएको हो ।’

पक्राउ पर्ने व्यक्ति ललितपुर महानगरपालिका वडा नं. ४, शान्ति पथ मार्ग बस्ने २४ वर्षीय युवक हुन् । उनलाई विद्युतीय कारोबार ऐन, २०६३ अन्तर्गतको कसुरमा मिति २०८१÷१२÷२५ गते काठमाडौँ जिल्ला अदालतमा उपस्थित गराई चार दिनको म्याद लिएर अनुसन्धान अघि बढाइएको छ ।

पछिल्लो समय यो विषय सामाजिक सञ्जालमा भाइरल भएको थियो । उक्त विषयमा पीडितले उजुरी दिएको आधारमा प्रहरीले कारबाही गरेको बताएको छ । यस्ता साइबर अपराधका घटनामा कडाइका साथ कारबाही गरिने स्पष्ट पार्दै, सबैलाई सामाजिक सञ्जाल प्रयोग गर्दा अरूको गोपनीयता, प्रतिष्ठा र मर्यादाको सबैले  समान गर्न समेत प्रहरीले आग्रह गरेको छ ।

‎