Sansar News
काठमाडौं । बुधबारको तुलनामा आज अन्तरराष्ट्रिय बजारमा सुनको मूल्य घटेको छ । त्यसको प्रभाव स्थानीय बजारमा पनि परेको छ । आज तोलामा तीन हजार पाँच सय रुपैयाँले सुनको मूल्य घटेको छ ।
नेपाल सुनचाँदी व्यवसायी महासङ्घका अनुसार आज प्रतितोला सुनको मूल्य एक लाख ८१ हजार आठ सय रुपैयाँ कायम भएको छ । बुधबार प्रतितोला सुन एक लाख ८५ हजार तीन सय रुपैयाँमा कारोबार भएको थियो ।
त्यसैगरी, चाँदीको मूल्य पनि प्रतितोला ३५ रुपैयाँले घटेको छ । प्रतितोला चाँदी एक हजार नौ सय २५ रुपैयाँमा कारोबार भइरहेको महासङ्घले जनाएको छ । बुधबार प्रतितोलो चाँदी एक हजार नौ सय ६० रुपैयाँमा कारोबार भएको थियो ।
अन्तरराष्ट्रिय बजारमा आज एक औँस सुन तीन हजार १६० अमेरिकी डलरमा कारोबार भइरहेको अन्तरराष्ट्रिय सञ्चारमाध्यमहरूले जनाएका छन् ।
वि.सं.२०८२ जेठ १ बिहीवार ११:५६ मा प्रकाशित
