Sansar News
काठमाडौं । कान्ति लोकपथ अन्तर्गत काठमाडौं–हेटौंडा सडक आजदेखि चार दिन पूर्ण रुपमा बन्द भएको छ । बगुवास्थित बागमती खोलामा निर्माणाधीन बेलिब्रिज जडान गर्न लागिएकाले उक्त सडक चार दिन बन्द गरिएको हो ।
यही जेठ २१ गतेदेखि २४ गतेसम्म सडक पूर्ण रुपमा बन्द हुने छ । यो अवधिमा हेटौंडा–काठमाडौं आउने जाने सवारी साधनलाई वैकल्पिक मार्गहरु प्रयोग गर्न जिल्ला प्रशासन कार्यालय मकवानपुरले सुझाएको छ ।
कान्तिलोकपथको वैकल्पिक मार्गका रुपमा कुलेखानी–कलंकी–हुमाने वा कुलेखानी–सिस्नेरी–फर्पिङ सडक रहेको छ ।
वि.सं.२०८२ जेठ २१ बुधवार १०:४८ मा प्रकाशित
