Sansar News
अमेरिका । अमेरिकाको भर्जिनिया राज्यस्थित मनासस पार्क शहरमा एक नेपाली परिवारका चारजना मृत भेटिएका छन् ।
बिहीबार राति दुई दम्पत्ती र दुई नाबालक छोरा र छोरी आफ्नै घरमा मृत भेटिएका हुन् ।
मृतकहरूमा ३८ वर्षीय सन्तोष परियार ,३६ वर्षीया अन्जु श्रेष्ठ ,८ वर्षीया छोरी र २ वर्षीय छोरा रहेका छन् । उनीहरू सबैको मृत्यु गोली लागेर भएको प्रारम्भिक अनुसन्धानले देखाएको छ । घटनास्थलमा एकथान बन्दुक पनि फेला परेको छ ।
प्रहरीका अनुसार बिहीबार राति १०ः४० बजे घरमा रहेका उनीहरु सम्पर्कमा नआएपछि प्रहरी पुग्दा भुइँतलाको कोठामा चार शव भेटिएका थिए ।
स्थानिय समाचार न्यूज४ फोर का अनुसार पीडित परिवार छ महिना अघि नेपालबाट आई त्यहाँ बस्दै आएको छिमेकीहरुले जानकारी दिएका छन् । उक्त घटनाका विषयमा स्थानीय प्रहरीले अनुसन्धान गरिरहेको छ ।
वि.सं.२०८२ जेठ २४ शनिवार ११:३५ मा प्रकाशित
