Sansar News
काठमाडौँ । नेपाल राष्ट्र बैंकले बजारमा अधिकतम तरलता देखिएपछि आज २५ अर्ब रुपैयाँ आफूतर्फ खिच्ने भएको छ । बैंकले ४२ दिनको लागि निक्षेप संकलन उपकरणकाे बोलकबोल तथा निष्काशन गर्ने भएका हो । बजारमा अधिकतम तरलथा थाेपरिएपछि बैंकले २५ अर्ब अाफूतर्फ खिच्न लागेकाे हाे ।
ब्याजदर बोलकबोलकोमाध्यमबाट निर्धारण हुने छ भने बैंकले खिचिएको साँवा तथा ब्याजको भुक्तानी साउन ४ गते गर्ने छ । बोल गर्न सकिने रकम घटीमा १० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आव्हान रकम सम्म हुनुपर्ने छ ।
निक्षेप संकलन उपकरणको बोलकबोलमा नेपाल राष्ट्र बैंकबाट इजाजतपत्र प्राप्त “क”, “ख” र “ग” वर्गका बैंक तथा वित्तीय संस्था मात्र सहभागी हुन पाउने छन् ।
वि.सं.२०८२ जेठ २५ आइतवार १२:३२ मा प्रकाशित
