हामी सबैकाे संसारन्यूज

काठमाडौं । राष्ट्रिय प्रजातन्त्र पार्टी (राप्रपा) ले आज (सोमबार) पनि संसद बैठक बहिस्कार गरेको छ । भिजिट भिसा प्रकरणमा गृहमन्त्री रमेश लेखकमाथि छानबिनको माग गर्दै आएको राप्रपाले आज पनि प्रतिनिधिसभा बैठक बहिस्कार गरेको हो ।

संसद सुरु भएलगत्तै सभामुख देवराज घिमिरेले कार्यसूची अगाडी बढाउन खोजेपछि रास्वपा र राप्रपाका सांसदहरुले उठेर विरोध जनाएका थिए । त्यसपछि सभामुखले राप्रपा अध्यक्ष राजेन्द्र लिङ्देनलाई बोल्न समय दिए । उनले अवरोधका बीच बैठक चलाए आफूहरूले बहिष्कार गर्ने बताए ।

लिङ्देनले गणितमा फरक भए पनि, सरकार बनाउने कुरामा फरक भए पनि कुनै पनि विचारलाई निषेध गर्न नपाइने गरी निर्वाचन प्रणाली बनाइएको स्मरण पनि गराए । त्यसपछि उनले जबसम्म अवरोधका बीच पनि संसद् बैठक चलाइन्छ, त्यतिबेलासम्म आफूहरूले यसमा भाग नलिने भन्दै बाहिष्कारको घोषणा गरे ।