हामी सबैकाे संसारन्यूज

काठमाडौँ । लक्ष्मी सनराईज बैंकले समयमै कर्जा नतिर्ने ५० जना ऋणीहरूको नामावली सार्वजानिक गरेको छ । आफ्नो ग्राहकाको सेवा सुविधालाई मध्येनजर गर्दै बैंकले ‘फोनलोन’ सुविधा ल्याएको हो तर पछिल्लो समय ऋणीहरूलाई पटक पटक कर्ज तिर्ने ताकेता गर्दा पनि ऋणीहरु सम्पर्कमा नआउने र कर्जा चुक्ता गर्न अटेरी गरेपछि बैंकले उनीहरुको तीन पुस्ते विवरणसहितको सार्वजनिक सूचना जारी गरेको हो ।

बैंकले सार्वजनिक गरेको सूचीमा ऋणीको नाम, नागरिकता नम्बर, स्थायी र अस्थायी ठेगानाका साथै उनीहरूका बाबु र बाजेको नाम (तीन पुस्ते) समेत उल्लेख गरेको छ ।

प्रकाशित सूचना अनुसार बैंकले ऋणीहरूलाई कर्जा चुक्ता गर्नका लागि ३५ दिनको अन्तिम म्याद दिएको छ । तोकिएको ३५ दिनको समयभित्र पनि ऋणीहरूले सम्पूर्ण साँवा, ब्याज र अन्य दस्तुर चुक्ता नगरेमा प्रचलित कानुनबमोजिम कर्जा असुलीको प्रक्रिया अगाडि बढाउने बैंकले चेतावनी दिएको छ । साथै, नेपाल राष्ट्र बैंकको निर्देशनअनुसार उनीहरूको नाम कालोसूचीमा समावेशका लागि सिफारिस गरिने सूचनामा उल्लेख छ ।