हामी सबैकाे संसारन्यूज

काठमाडौँ । सरकारले देशभर रिक्त जनप्रतिनिधिहरूको उपनिर्वाचन गर्ने तयारी गरेको छ । प्रधानमन्त्री तथा मन्त्रिपरिषद् कार्यालयका अनुसार, प्रतिनिधिसभा, राष्ट्रिय सभा, प्रदेश सभा र स्थानीय तहमा रिक्त विभिन्न पदको निर्वाचनको मिति तोक्नेगरी निर्वाचन आयोगसँग परामर्श गरेको हो ।

प्रधानमन्त्रीको सचिवालयका अनुासर प्रतिनिधिसभा रुपन्देही क्षेत्र नम्बर ३, गण्डकी प्रदेशसभा मनाङ क्षेत्र नम्बर १ (ख) मा रिक्त सदस्यका लागि कात्तिक दोस्रो साता निर्वाचन गर्ने गरी मिति तोक्ने तयारी छ । रुपन्देही ३ मा राप्रपाका सांसद दिपक बोहराको निधन भएपछि पद रिक्त छ । त्यस्तै, मनाङ क्षेत्र नम्बर १ (ख) का प्रदेशसभा सदस्य दिपक मनाङे पदमुक्त भएका छन् ।

आगामी असार १६ गतेभित्र आयोगकाो मिति तोक्ने तयारी छ । त्यस्तै, स्थानीय तहमा १३ वटा वडाध्यक्षको पद रिक्त छ । शुक्रवार सिंहदरबारमा आयोगका कार्यबाहक प्रमुख निर्वाचन आयुक्त रामप्रसाद भण्डारीसहित आयुक्तहरूले प्रधानमन्त्री ओलीलाई भेटेका थिए ।

प्रधानमन्त्रीले उपनिर्वाचनका लागि आयोगले गरेको तयारी अनुसार नेपाल सरकाले आवश्यक सहजीकरण गर्नेे उनको सचिवालयले जनाएको छ ।