Sansar News
काठमाडौं । नेकपा माओवादी केन्द्रका नेता जनार्दन शर्माले निजामती सेवा विधेयकमा चलखेल गर्नेलाई तत्काल निलम्बन गरि कारबाही गर्न माग गरेका छन् ।
सामाजिक सञ्जालमार्फत नेता शर्माले विधेयकमा भएको चलखेललाई जनताप्रतिको बेइमानी भन्दै यस्ता भ्रष्ट र तुच्छ कार्यले संसद्कै उपहास गर्ने भएकाले जो कोही भए पनि तत्काल निलम्बन गरी कारबाही अगाडि बढाउन माग गरेका हुन् ।
उनले लेखेका छन्, ‘संसदीय इतिहासमा कानुन निर्माणको सर्वोच्च निकायमै कानुनको दफामा हेराफेरी ! जनप्रतिनिधिहरूको अपहरण जनताप्रति बेइमानी, भ्रष्ट र तुच्छ कार्य संसद्कै उपहास गर्ने जो कोही भए पनि तत्काल निलम्बन गरी कारबाही अगाडि बढाउनुपर्छ ।’
सांसदलाई नै झुक्क्याएर निजामती विधेयकमा वरिष्ठ प्रशासकहरूका स्वार्थ घुसाइएको पाइएपछि सांसदहरूले आपत्ति जनाएका छन् ।
वि.सं.२०८२ असार १७ मंगलवार १०:३४ मा प्रकाशित
