Sansar News
काठमाडौं । यो साता सेयर कारोबार परिसूचक (नेप्से) सामान्य अंकले बढ्यो । गत हप्ता कारोबार बन्द हुँदा २७०३.९६ बिन्दुमा रोकीएको नेप्से यो साता सामान्य अंकले बढेर २७३१.८० बिन्दुमा पुगेको हो ।
यो साता कारोबार रकममा पनि सुधार भएको छ । अघिल्लो हप्ता ३८ अर्ब ८२ करोड रुपैंयाँ बराबरको कारोबार भएकोमा यो साता करिब ४० अर्ब तीस करोड रुपैंयाँ बराबरको कारोबार भएको नेप्सेले जनाएको छ ।
यो साता सबैभन्दाबढी जलबिद्युत कम्पनीहरुको कारोबार भएको छ भने सबैभन्दा कम व्यापार समूहको कारोबार भएको छ । अघिल्लो हप्ता पनि जलविद्युत कम्पनीको दबदवा रहेको सेयर बजारमा यो हप्ता पनि दबदवा कायमैं रह्यो । जलविद्युत क्षेत्रको दबदवा कायम रहेको बजारमा व्यापार क्षेत्र भने अघिल्लो हप्ताझैं पुछारबाट पहिलो स्थानमा नै छ ।
यो पनि हेर्नुहोस ।
आर्थिक वर्षको अन्त्यसँगै बौरियाे सेयर बजार, के यो अवस्था कायम रहला ?
वि.सं.२०८२ असार २७ शुक्रवार १६:५४ मा प्रकाशित
