हामी सबैकाे संसारन्यूज

काठमाडौं । यो साता नेप्सेमा केहि उत्साह छाएको छ । कारोबारको पहिलो दिनबाट उकालो लाग्न सुरु गरेको नेप्से पाँचै दिन उकालो लागेको देखियो । अघिल्लो साता अधिकांस कारोबार दिन नेप्से ओरालो लागेको थियो ।

साताको अन्तिम कारोबार दिन नेप्से औसतमा ६३.९५ अंकले बढ्यो । यो साता जीवन बीमा कम्पनी समूहका लगानीकर्ताहरु उत्सहित भएको देखियो भने ब्यापार कम्पनी समुहका लगानीकर्ताहरु खासै उत्साहित देखिएनन् । अघिल्लो साताको तुलनामा जीवन बीमा कम्पनी समुहको सेयर मूल्य १.६४ प्रतिशतले बढ्यो भने ब्यापार समुहको सेयर मूल्य मात्र ०.१७ प्रतिशतले बढ्यो । यसरी हेर्दा यो सता समग्रमा नेप्से ०.८२ प्रतिशतले उकालो लागेको देखिन्छ ।

त्यसैगरि अघिल्लो साता ओरालो लागेर २५९५.७४ बिन्दुमा खुम्चिएको परिसूचक यो साता झण्डै दुई सय अंकले उकालो लाग्दै २७०३.९६ बिन्दुमा पुगेको छ । त्यस्तै कारोबार रकमका आधारमा पनि यो साता नेप्से उत्साहपूर्ण रह्यो । यो साता नेप्सेमा करिब ३८ अर्ब ८२ करोड रुपैंयाँ बराबरको कारोबार भयो । यो रकम अघिल्लो साताको तुलनामा करिब ४ अर्ब ४१ करोडले बढी हो ।

यसरी हेर्दा यो हप्ता नेप्से उत्साहपूर्ण नै रह्यो । तर, नेप्सेको यस अगाडीको ट्रेण्ड हेर्दा त्यति उत्सहित हुनसकिने ठाउँ कम्जोर रहेको सेयर विश्लेषकहरुले बताएका छन् । अर्थिक वर्षको अन्त्य हुनै लाग्दा कतिपय लगानीकर्ताहरुले अन्यत्रैबाट पनि सेयर बजारमा अल्पकालिन लगानी गरेको हुनसक्ने तर्फ विश्लेषकहरुले संकेत गरेका छन् । यस्तो अवस्था धेरै दिन नटिक्ने उनीहरुको तर्क छ ।