Sansar News
काठमाडौँ । नेकपा माओवादी केन्द्रले नेपाल कम्युनिस्ट पार्टीका संस्थापक महासचिव पुष्पलाल श्रेष्ठको स्मृति दिवस मनाउने भएको छ । असार २६ गते बसेको माओवादीको पदाधिकारी बैठकले साउन ७ गते ४७ औँ पुष्पलालको स्मृति दिवस मनाउने निर्णय गरेको थियो ।
यो दिवस माओवादीले पहिलो पटक मनाउन लागेको हो । पार्टीको निर्णय अनुसार बुधबार दिउँसो १ः ३० बजे भृकुटीमण्डपमा समाजवादी मोर्चा र पुष्ललाल स्मृति प्रतिष्ठानको संयुक्त आयोजनामा विचार गोष्ठी गर्न लागेको हो ।
कार्यक्रममा माओवादीका अध्यक्ष प्रचण्डसहित समाजवादी मोर्चाका नेताहरू माधव नेपाल, विप्लव र महिन्द्र राय यादव लगायत नेताहरूले सम्बोधन गर्नेछन् ।
पुष्पलालको २०३५ साल साउन ७ गते निधन भएको थियो । यसअघि एमाले र नेकपा एकीकृत समाजवादी लगायत दलहरूले मात्र स्मृति दिवस मनाउने गरेको थियो ।
वि.सं.२०८२ साउन ६ मंगलवार ११:०७ मा प्रकाशित
