Sansar News
काठमाडौँ । नेपाली कांग्रेसका शीर्ष नेता डा. शेखर कोइरालाले एमालेले कांग्रेसको मुटुमा आक्रमण गरिराखेको बताएका छन् । आज (मंगलबार) ४३औँ विपी स्मृति दिवसमा आयोजित विचार गोष्ठीलाई सम्बोधन गर्दै उनले यस्तो बताएका हुन् । उनले कुलिङ पिरियड, भूमि विधेयक र संवैधानिक परिषद विधेयकमा एमालेले कांग्रेसको मुख्य मूल्य मान्यतामा आक्रमण गरेको बताएका हुन् ।
सो क्रममा उनले आफ्ना सभापति शेरबहादुर देउवाले प्रधानमन्त्री एवम् एमाले अध्यक्ष केपी शर्मा ओलीलाई भेटेर कुलिङ पिरियड नराख्ने व्यवस्था स्विकार्य नहुने अडान राख्नुपर्ने बताए । उनले देउवाले विद्युतसम्बन्धी टेक एण्ड पेबारे लिएको अडान जस्तै कुलिङ पिरियडमा पनि देखिनुपर्ने बताएका हुन् ।
वि.सं.२०८२ साउन ६ मंगलवार १२:५१ मा प्रकाशित
