हामी सबैकाे संसारन्यूज

स्याङ्जा । लोपोन्मुख खाद्य बाली कोदो संरक्षणकाा लागि स्याङ्जाको फेदीखोला गाउँपालिकाले विषेश कार्यक्रम तथा नीति निर्माण गरेर सार्वजनिक गरेको छ ।

‘प्रथम राष्ट्रिय कोदो दिवस २०८२’को अवसरमा गाउँपालिकाले यस्तो कार्यक्रम सार्वजनिक गरेको हो । स्थानीय उत्पादन कोदोलाई बहुपयोगी, पोषणयुक्त तथा आर्थिक सम्भावनायुक्त खाद्यान्नको रूपमा प्रवद्र्धन गर्ने उद्देश्य राखेर पालिकाले विभिन्न नीति तथा कार्यक्रम ल्याएको अध्यक्ष घनश्याम सुवेदीले बताए ।

गाउँपालिकाले २०७७ सालदेखि कक्षा ६ को स्थानीय पाठ्यक्रम ‘हाम्रो फेदीखोला’मा ‘कोदोः बहुपयोगी खाद्यान्न’ शीर्षकको विषयबस्तु समावेश गरी विद्यार्थीहरूलाई सचेत गराउँदै आएको छ ।

अध्यक्ष सुवेदीका अनुसार संरक्षण, पोषण मूल्य, खाद्य सुरक्षा, कृषक आम्दानी तथा स्थानीय अर्थतन्त्रमा कोदोको योगदानलाई मध्यनजर गद नीतिगत निर्णयहरू गरिएको हो ।

दिवा खाजामा कोदोका परिकार अनिवार्य

कोदो प्रवर्धनका लागि गाउँपालिका भित्रका सामुदायिक विद्यालयहरुमा हप्तामा दुई दिन कोदोका परिकार अनिवार्य गरिएको छ ।
कोदोको ढिँडो, मम, तावा रोटी, पुवा, सेलरोटी, कोदोको चिउरा, हलुवा, सूप आदि परिकार बनाएर विद्यार्थीहरुलाई खुवाउने सुवेदीले बताए ।
‘पालिकाको मातहतका सबै सार्वजनिक निकाय : विद्यालय, वडा कार्यालय, चमेना गृह तथा सभा–सेमिनार स्थलहरूमा कोदोबाट बनेका परिकारहरूलाई प्राथमिकता दिई अनिवार्य प्रयोग गर्नुपर्ने नियम बनाएका छौँ’, उनले भने, ‘यो निर्णय २०८२ श्रावण १६ गतेदेखि कार्यान्वयनमा आउनेछ ।’

कोदो दिवसमा प्रत्यक्ष अभ्यास कार्यक्रम

अध्यक्ष सुवेदीले २०८२ श्रावण १६ गते कोदो दिवसका अवसरमा फेदीखोला गाउँपालिका–१, रामकोटमा कोदो रोप्ने कार्यक्रम आयोजना गरिएको भन्दै सोही अवसरमा कोदोबाट उत्पादित विभिन्न परिकारहरूको प्रदर्शनी र उपयोग मार्फत यसको बहुउपयोगी पक्ष प्रस्तुत गर्दै समुदायमा चेतना अभिवृद्धिको अभियान सञ्चालन गरिने बताए ।

कोदो सम्बन्धि पालिकाले गरेका निर्णयहरूले स्थानीय उत्पादनको प्रवद्र्धन, विद्यार्थीहरूको पोषण सुधार, कृषकहरूको आम्दानी अभिवृद्धि तथा सामुदायिक स्वाभिमानको वृद्धि गर्ने विश्वास फेदीखोला गाउँपालिकाले लिएको अध्यक्ष सुवेदीको दावी