Sansar News
काठमाडौं । बागमती प्रदेशका मुख्यमन्त्री बहादुर सिंह लामाले तीन मन्त्री नियुक्त गरेका छन् । कांग्रेस सांसद इन्द्रबहादुर बानियाँ समूहलाई सहयोग गर्न पाँच मन्त्रीले राजीनामा दिएपछि मुख्यमन्त्री लामाले रिक्त तीन स्थानमा मन्त्री नियुक्त गरेका हुन्।
जसमा गोविन्द लम्साल, माया श्रेष्ठ र गीता गुरुङ मन्त्री नियुक्त भएका छन्। लम्साललाई आन्तरिक मामिला तथा कानुन मन्त्रालयको जिम्मेवारी दिइएको छ । युवा तथा खेलकुद मन्त्रीमा माया श्रेष्ठ र सहकारी तथा गरिबी निवारण मन्त्रीमा गीता गुरुङलाई नियुक्त गरेको मुख्यमन्त्रीको सचिवालयले जनाएको छ।
९ साउनमा चार जना र १३ साउनमा १ जना मन्त्रीले राजीनामा दिएर लामाविरुद्धको अविश्वासको प्रस्तावमा हस्ताक्षर गरेका थिए । कांग्रेस बागमती प्रदेश संसदीय दलको नेताबाट मंगलबार विश्वास गुमाएका लामाले आज तीन मन्त्री नियुक्त गरेका हुन् ।
वि.सं.२०८२ साउन १४ बुधवार १०:१३ मा प्रकाशित
