Sansar News
काठमाडौँ । मनसुनको मौसम र यसमा देखिने अस्थिरता तथा सम्भावित जोखिमलाई मध्यनजर गर्दै एनएमबि बैंकले सामाजिक उत्तरदायित्व अन्तरगर्त नेपाल प्रहरीलाई १६ विटको सेल्फवेलिङ राफ्ट, लाइफ ज्याकेटहरु र अन्य विपद् उद्दार सामग्रीहरु हस्तान्त्रण गरेको छ ।
मंगलवार काठमाडौंको रानीपोखरी स्थित, काठमाडौं उपत्यका प्रहरी कार्यालयमा एक कार्यक्रमकाबिच उक्त सामग्री हस्तान्तरण गरिएको हो ।
कार्यक्रममा बैंकका प्रमुख कार्यकारी अधिकृत गोविन्द घिमिरले नेपाल प्रहरीका प्रतिनिधि प्रहरी अतिरिक्त महावनरीक्षक टेकबहादुर तामाङलाई औपचारिक रूपमा उद्दार सामग्रीहरू हस्तान्तरण गरेका हुन् । हस्तान्तरण गरिएका सामग्रीमा रवर रोबटसहित लाइफ ज्याकेटहरु र अन्य आपतकालीन उपयोगी उपकरणहरू समावेश छन् ।
मनसुनको समयमा बाढी, डुवान तथा अन्य जलजन्य विपद् तथा आकस्मिक घटनाहरूको सम्भावना उच्च हुने भएकाले बैंकको सहयोगले प्रहरीको कार्यदक्षतामा टेवा पुग्ने बैंकले अपेक्षा राखेको छ ।
बैंकले सामाजिक उत्तरदायित्व अन्तरर्गत शिक्षा, स्वास्थ्य, वातावरण, तथा विपद् व्यवस्थापन जस्ता क्षेत्रहरूमा निरन्तर योगदान पुर्याउँदै आएको छ । यस प्रकारको सहयोगले समुदायमा बैंकको प्रवतिद्धता झल्काउने विश्वाश बैंकको छ ।
बैंकका हाल देशभरी २०२ शाखा, १८७ एटिएम र ९ वटा एक्सटेन्सन काउन्टरहरु छन् भने उच्चस्तरीय सेवा प्रदान गदै आइरहेको छ ।
वि.सं.२०८२ साउन २१ बुधवार १०:४९ मा प्रकाशित
