Sansar News
काठमाडौं । पूर्वराष्ट्रपति विद्यादेवी भण्डारीकी छोरी उषाकिरण भण्डारीले नेकपा एमालेको परराष्ट्र मामिला विभागबाट राजीनामा दिएकी छन् ।
आफ्नी आमा एमालेकी पूर्वउपाध्यक्ष विद्याको पार्टी सदस्यता नवीकरण नगर्ने एमालेको निर्णयपछि छोरी उषाकिरण पार्टीको विभागबाट राजीनामा दिएकी हुन् ।
उषकिरणले राजीनामा दिएपछि एमालेले परराष्ट्र मामिला विभाग प्रमुखको जिम्मेवारी सचिव रघुवीर महासेठलाई दिएको छ । स्रोतका अनुसार उषाकिरणले केही दिनअघि नै राजीनामा दिएकी हुन् । तर, उनी आफैँले भने त्यसबारे केही बताएकी छैनन् ।
उषाकिरण मदन भण्डारी फाउण्डेशनको अध्यक्षसमेत हुन् । एमालेले पूर्वराष्ट्रपति भण्डारीलाई एमाले पार्टीको राजनीतिमा आउन रोक लगाएपछि उषाकिरणले राजनीतिमा आउन रोक लगाउने निर्णयबाट आफू अचम्मित नभएको बताएकी थिइन् ।
वि.सं.२०८२ साउन २६ सोमवार १४:४९ मा प्रकाशित
