हामी सबैकाे संसारन्यूज

धनगढी । कैलालीको घोडाघोडी नगरपालिकामा एक महिला आफ्नी १० महिने छोरीसहित मृत फेला परेकी छिन् । उनीहरू साउन २९ गतेदेखि बेपत्ता भएका थिए ।

जिल्ला प्रहरी कार्यालय, कैलालीका अनुसार घोडाघोडी नगरपालिका–७ की २१ वर्षीया आरतीकुमारी डगौरा र उनकी छोरी अनुजा चौधरी घर नजिकैको गौरीशंकर सामुदायिक वनमा झुन्डिएको अवस्थामा आइतबार मृत फेला परेका हुन् ।

जिल्ला प्रहरी कार्यालयका अनुसार आमा र छोरी एउटै रूखमा फरक–फरक पासोमा झुन्डिएको अवस्थामा भेटिएका थिए । साउन २९ गतेदेखि छोरीसहित बेपत्ता भएकी आरतीको परिवारले प्रहरीमा खोजीका लागि निवेदन दिएको थियो । खोजी गर्ने क्रममा शनिबार उनीहरूको शव फेला परेको हो ।

प्रहरीले घटनास्थलको मुचुल्का गरी शव परीक्षणका लागि टीकापुर अस्पतालमा पठाएको छ । घटनाबारे थप अनुसन्धान भइरहेको प्रहरीले जनाएको छ ।