Sansar News
जनकपुर । नेकपा एमालेले मुख्यमन्त्री सतिशकुमार सिंह नेतृत्वको मधेस प्रदेश सरकारलाई दिएको समर्थन फिर्ता लिएको छ। पार्टीले अबको सहकार्य सम्भव नरहेको बताएको छ।
एमालेका नेताहरूका अनुसार, सरकारले जनअपेक्षा अनुसार काम नगरेको र सुशासनमा असफल भएको कारण समर्थन फिर्ता लिइएको हो। यससँगै सरकार अल्पमतमा परेको छ र नयाँ सत्ता समीकरणको चर्चा तीव्र बनेको छ।
स्रोतका अनुसार, एमाले नयाँ सरकार गठनको तयारीमा छ र नेपाली कांग्रेस, माओवादी केन्द्र र स्वतन्त्र सांसदहरूसँग छलफल सुरु गरिएको छ।
वि.सं.२०८२ असोज २२ बुधवार १४:२१ मा प्रकाशित
