हामी सबैकाे संसारन्यूज

काठमाडौं । नेकपा (एमाले) निकट विद्यार्थी संगठन अखिलले काठमाडौं महानगरपालिकाका प्रमुख बालेन्द्र साह (बालेन) र हामी नेपालका संस्थापक सुदन गुरुङविरुद्ध देशभर जाहेरी दिने भएको छ।

अखिलका अनुसार हालैको जेनजी आन्दोलनका क्रममा सार्वजनिक सम्पत्ति तोडफोड र आगजनी भएकाले उनीहरूलाई जिम्मेवार ठहर गर्दै कारबाही गर्नुपर्ने मागसहित जाहेरी दर्ता गर्ने तयारी गरिएको हो।

अखिलका महासचिव दीपक धामीले अदालत र प्रहरी चौकीलगायत स्थानमा तोडफोड र आगजनी भएको दाबी गर्दै भने, “देशैभरका जिल्ला प्रहरी कार्यालयमा आजदेखि जाहेरी दिन सुरु गर्नेछौं।”

यसअघि मंगलबार अखिलले काठमाडौं प्रहरी परिसरमा जाहेरी दर्ता गर्ने प्रयास गरे पनि प्रहरी प्रशासनले तत्काल दर्ता नगरी सरकारी वकिलसँग छलफल गर्ने निर्णय गरेको थियो। प्रहरीले यसबारे २४ घण्टाभित्र जवाफ दिने जनाएको छ।