हामी सबैकाे संसारन्यूज

काठमाडौं । पूर्वसभामुख कृष्णबहादुर महराविरुद्धको थुनछेक बहस आजदेखि सुरु हुँदैछ।

हिजो काठमाडौं जिल्ला अदालतका न्यायाधीश हर्कबहादुर क्षेत्रीको इजलासमा महराको बयान सकिएपछि आजदेखि थुनछेक बहस प्रारम्भ हुने भएको हो।

महरामाथि सन् २०२२ डिसेम्बर (२०७९ पुस १०) मा चिनियाँ नागरिक लि हासोङले इलेक्ट्रोनिक चुरोट ‘भेप’मा लुकाएर ल्याएको सुन तस्करी प्रकरणमा संलग्न रहेको आरोप छ।

महराले भने उक्त प्रकरणमा आफ्नो कुनै लगानी वा संलग्नता नरहेको स्पष्ट पारेका छन्। तर सरकारी वकिल कार्यालयले उनलाई सङ्गठित अपराध निवारण ऐन र भन्सार ऐन अन्तर्गतको कसुरमा दोषी ठहर गर्दै ८ करोड ५५ लाख २८ हजार रुपैयाँ बिगो मागदाबी दर्ता गरेको छ।