हामी सबैकाे संसारन्यूज

काठमाडाैँ । मंगलबार बसेको मन्त्रिपरिषद् बैठकका २५ निर्णयहरू बुधबार सञ्चार मन्त्रालयमा आयोजित पत्रकार सम्मेलनमार्फत सरकारका प्रवक्ता तथा सूचना तथा सञ्चार प्रविधिमन्त्री जगदीश खरेलले सार्वजनिक गरे।

निर्णयअनुसार सहिद धर्मभक्त मानव अङ्ग प्रत्यारोपण केन्द्रको कार्यकारी निर्देशकमा डा. कल्पना कुमारी श्रेष्ठलाई नियुक्त गरिएको छ।

यस्तै, नयाँ व्यवस्था नहुँदासम्म नेपाल एयरलाइन्सको कार्यकारी सञ्चालकमा अमृतमान श्रेष्ठलाई जिम्मेवारी दिने निर्णय गरिएको छ।

त्यसैगरी, नेपाली सेनाका दुई महासेनानीलाई सहायक रथीमा बढुवा गर्ने, सशस्त्र प्रहरी नियमावली स्वीकृत गर्ने र राष्ट्रपतिसमक्ष अध्यादेश पेश/स्वीकृति गर्ने निर्णय भएको मन्त्री खरेलले जानकारी दिए।