हामी सबैकाे संसारन्यूज

काठमाडौं । ग्राहक महानुभावहरूको आवास सम्बन्धी आवश्यकतालाई सम्बोधन गर्ने उद्देश्यले एन आई सी एशिया बैंकले रू. १० करोडसम्मको आकर्षक ‘एन आई सी एशिया साथी घर कर्जा’ योजना सार्वजनिक गरेको छ।

बैंकद्वारा सार्वजनिक गरिएको यस घर कर्जा योजनाअन्तर्गत ७ वर्षका लागि ६.९९ प्रतिशत स्थिर ब्याजदरमा कर्जा उपलब्ध गराइनेछ। न्यूनतम रू. २५ लाखदेखि अधिकतम रू. १० करोडसम्म प्रदान गरिने उक्त कर्जा घर तथा अपार्टमेन्ट खरिद, घर निर्माण तथा पुनःनिर्माण, साथै घडेरी खरिदका लागि सहज प्रक्रियामार्फत उपलब्ध हुनेछ। कर्जाको अधिकतम अवधि २५ वर्षसम्म निर्धारण गरिएको बैंकले जनाएको छ।

घर खरिद तथा निर्माणको सपना साकार पार्न सहयोग पुर्‍याउने लक्ष्यका साथ ल्याइएको यस योजनामा पहिलो पटक घर खरिद वा निर्माण गर्ने ग्राहकका लागि कर्जा तथा धितो सुरक्षण अनुपात अधिकतम ८० प्रतिशत कायम गरिएको छ भने अन्य ग्राहकका हकमा यो सीमा अधिकतम ७० प्रतिशत रहनेछ।

यसका साथै, योजना अन्तर्गत घर कर्जा लिने ग्राहक महानुभावहरूले लाइफ टाइम निःशुल्क क्रेडिट कार्ड सेवा समेत प्राप्त गर्ने बैंकले जानकारी दिएको छ।

बैंकका अनुसार, प्रतिस्पर्धी ब्याजदर र आकर्षक सुविधासहितको यस योजनाले घर निर्माण तथा खरिद गर्न इच्छुक ग्राहकहरूलाई महत्वपूर्ण राहत प्रदान गर्ने विश्वास लिइएको छ।