हामी सबैकाे संसारन्यूज

काठमाडौँ । नेपाल बैंक लिमिटेडले ‘Smart Money Talks’ भन्ने मूल नारासहित ग्लोबल मनी वीक २०२६ देशभर सफलतापूर्वक सम्पन्न गरेको छ। चैत ०१ गतेदेखि चैत ०५ गतेसम्म सञ्चालन गरिएको यस अभियान सातै प्रदेशमा फैलिएको थियो।

कार्यक्रमको उद्देश्य युवापुस्तामा वित्तीय साक्षरता अभिवृद्धि गर्दै बचत, लगानी र डिजिटल बैंकिङप्रति सचेतना फैलाउनु रहेको बैंकले जनाएको छ। ग्लोबल मनी वीकको अवसरमा बैंकका शाखाहरूमा विद्यार्थी, युवा तथा सर्वसाधारणको उल्लेखनीय सहभागिता देखिएको थियो।

साताव्यापी कार्यक्रममा विद्यालय तथा क्याम्पसमा वित्तीय साक्षरता सम्बन्धी कक्षा, डिजिटल भुक्तानी प्रणालीबारे प्रयोगात्मक तालिम, बचत खाता खोल्ने विशेष अभियान तथा उद्यमशीलता विकासका कार्यक्रम सञ्चालन गरिएको थियो। साथै, हाजिरी जवाफ प्रतियोगिता, विशेष समूह छलफल (Panel Discussion) जस्ता गतिविधिहरूले कार्यक्रमलाई थप प्रभावकारी बनाएको थियो।

बैंकले आगामी दिनमा पनि यस्ता सचेतनामूलक कार्यक्रमलाई निरन्तरता दिँदै सर्वसाधारणमा वित्तीय ज्ञान विस्तार गर्ने प्रतिबद्धता व्यक्त गरेको छ।