हामी सबैकाे संसारन्यूज

रिपोर्टर्स क्लबमा आज आयोजित साक्षात्कारमा उहाँले पहिलो चरणको चुनावमा एमाले अध्यक्ष केपी शर्मा ओलीले राष्ट्रवादलाई चर्को रुपमा उठाएको तर काँग्रेस त्यो स्तरमा नओर्लेको बताउनुभयो । असार १४ मा हुने निर्वाचनमा काँग्रेस ६० प्रतिशत स्थानमा विजयी हुने दावा पनि उहाँले गर्नुभयो ।

राजपाका वरिष्ठ नेता मनिषकुमार सुमनले असार १४ को स्थानीय तहको निर्वाचन हँुदै गर्दा सरकारले राजपाका नेता तथा कार्यकर्तालाई थुनेको र घर घेरेर जबर्जस्ती गरेको आरोप लगाउनुभयो । मधेसी जनतालाई बाहिर राखेर गरिने निर्वाचनले ठूलो दुर्घटना निम्त्याउने चेतावनी पनि उहाँले दिनुभयो ।

एमालेका नेता आनन्द पोखरेलले तराईमा हुने स्थानीय तहको निर्वाचनमा ५१ प्रतिशत स्थानमा एमाले विजयी हुने दावा गर्नुभयो । मधेसी जनताको मागअनुसार संविधान संशोधन गर्ने कार्यमा एमालेले कुनै हालतमा समर्थन नगर्ने पनि उहाँले बताउनुभयो ।

नेकपा माओवादी केन्द्रका नेता रामनारायण विडारीले नेपाली जनताले धर्मनिरपेक्षता र सङ्घीयताको पक्षमा मतदान गरेर संविधान कार्यान्वयन गर्ने र यसमा जुनसुकै पार्टीले जिते पनि आफूहरुलाई मान्य हुने बताउनुभयो । मधेसी जनताका मागलाई सम्बोधन गर्ने माओवादी अडान यथावत् रहेको पनि उहाँले स्पष्ट पार्नुभयो ।