Logo
२ माघ २०७८, आईतवार
     Sun Jan 16 2022
E-paper
  English Edition
   Unicode
Logo

सरकारले सबैलाई न्याय गर्छ–गृहमन्त्री शर्मा



janardan---sharma

७ असार, चितवन । गृहमन्त्री जनार्दन शर्माले दोस्रो चरणको निर्वाचनका लागि सुरक्षा व्यवस्था मजबुत बनाइएको बताउनुभएको छ ।

प्रेस सेन्टर चितवनले आज यहाँ आयोजना गरेको पत्रकार सम्मेलनमा उहाँले सरकारले आफ्नो साधन स्रोत र शक्ति परिचालन गरेर समग्र सुरक्षाको व्यवस्था मिलाएको बताउनुभयो । अर्काे प्रसङ्गमा उहाँले असन्तुष्ट भएका राजनीतिक दलसँग पनि वार्ता र संवाद गरेर सहमतिमा निर्वाचनको मिति तय भएकाले निर्वाचनको वातावरण बनेको बताउँदै भन्नुभयो “निर्वाचनको राम्रो वातावरण बनेको छ । निर्वाचनको खारेजी गर्न माग गर्दै आएको नेकपा विप्लव समूहले पनि विभिन्न ठाउँमा उम्मेदवारी दिएको छ ।”
टीकापुर घटनाका दोषीलाई क्षतिपूर्ति किन दिइएको भन्ने प्रश्नमा उहाँले घटना गराउने र दोषीलाई कारबाही गर्ने एउटा पाटो तथा भौतिक क्षति फरक पाटो भएको बताउँदै भन्नुभयो “ सरकारले सबैलाई न्याय गर्छ, अपराध गर्नेलाई कारबाही र क्षति हुनेलाई क्षतिपूर्ति दिन्छ ।”

सरकारले कहिल्यै प्रहरीको मनोबल नघटाउने बताउँदै उहाँले संविधान, कानुन, सरकारका नीति कार्यक्रम लागु गर्नका लागि सरकारमार्फतका समग्र संयन्त्रलाई परिचालन गरिने जानकारी दिनुभयो । उहाँले भन्नुभयो “त्यसमध्येको महत्वपूर्ण सङ्गठन प्रहरी सङ्गठन हो । यसको मनोबल गिराउने काम सरकारले गर्दैन, उच्च मनोबल बनाउँछ ।”

निर्वाचनको आचारसंहिताको उल्लङ्घन गर्दै दुई दिनअघि चुनाव प्रचार कार्यक्रममा बोलेका विषयमा सोधिएको प्रश्नमा उहाँले आचारसंहिता निर्वाचन आयोगले तय गर्ने हो भन्दै आफूले आचारसंहिताभित्रै रहेर काम गरेको जिकिर गर्नुभयो ।

यसअघि जुनियर प्रहरी अधिकृत शिक्षालय भरतपुरको प्रहरी सहायक निरीक्षक आधारभूत तालिम १७३ औँ समूहको दीक्षान्त समारोहमा उहाँले प्रहरीमा राजनीतिक गन्ध, गुटबन्दी र विभाजन राज्यलाई स्वीकार्य हुँदैन भन्दै त्यसो भएमा सरकारले कारबाही गर्ने चेतावनी दिनुभयो । उहाँले ‘चेन अफ कमान्ड’भित्र आफूलाई सक्षम साबित गर्न निर्देशन पनि दिनुभयो । नीति, नियम र कार्यविधि बनाएर वृत्ति विकासका काम अगाडि बढाइने जानकारी उहाँले बताउनुभयो ।

कार्यक्रममा प्रहरी महानिरीक्षक प्रकाश अर्यालले संविधान कार्यान्वनको ऐतिहासिक घडीमा प्रहरी सेवामा प्रवेश गरेका प्रहरी सहायक निरीक्षकलाई देश र जनताप्रति समर्पित भएर काम गर्न निर्देशन दिनुभयो ।
राष्ट्रिय प्रहरी प्रशिक्षण प्रतिष्ठानका निमित्त प्रहरी नायब महानिरीक्षक देवेन्द्र सुवेदीले तालिम केन्द्रमा स्थापित एनपिए इन्टरनेट (राष्ट्रिय प्रहरी प्रतिष्ठान इ–लाइब्रेरीका बारेमा जानकारी गराउनुभएको थियो । सोको गृहमन्त्री शर्माले आजै उद्घाटन गर्नुभएको थियो ।

समारोहमा शिक्षालयका समादेशक प्रहरी नायब महानिरीक्षक रणबहादुर चन्दले तालिमसम्बन्धी प्रतिवेदन प्रस्तुत गर्नुभएको थियो । तालिमबाट १५० प्रहरी सहायक निरीक्षकलाई दीक्षित गरिएको छ ।


यो खबर पढेर तपाईलाई कस्तो महसुस भयो ?

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक

लालबहादुर ढेंगा, दुबई, युएई । राहदानी बिभागले हाल बिद्युतीय राहदानी (भ(एबककउयचत) जारी गर्ने कार्यको

काठमाडौं । विभिन्न चार बैंकबाट ८० करोड रुपैयाँ ऋण निकालेर मदिरा व्यवसायी गरेको एक

काठमाडौं । नेपाल कम्युनिष्ट पार्टी (नेकपा) का संयोजक ऋषि कट्टेललाई पार्टीको केन्द्रीय सचिवालयको बैठकले

काठमाडौं । नेपाल कम्युनिष्ट पार्टीभित्र चर्को लफडा शुरु भएको छ । नेकपा निकट एक