Sansar News
काठमाडौँ । नेपाल आयल निगम लिमिटेडको कार्यकारी निर्देशकमा नागेन्द्र साह चयन भएका छन् ।
बुधबार आयोजित मन्त्रिपरिषद्को बैठकले साहलाई आगामी ४ वर्षका लागि निगमको कार्यकारी निर्देशक पदमा नियुक्त गर्ने निर्णय गरेको मुख्यसचिव गोविन्दबहादुर कार्कीले जानकारी दिए ।
निगमका तत्कालीन निमित्त कार्यकारी निर्देशकका रूपमा जिम्मेवारी सम्हाल्दै आएका साह खुला प्रतिस्पर्धामार्फत यो पदमा पुग्न सफल भएका हुन् । उद्योग, वाणिज्य तथा आपूर्ति मन्त्रालयले खुला प्रतिस्पर्धाबाट छनोट गरी पठाएको उत्कृष्ट ३ उम्मेदवारको सूचीमा परेका मध्येबाट सरकारले साहलाई रोजेको हो । लामो समयदेखि नेपाल आयल निगममै कार्यरत रहेको भएर नै साहलाई पहिलो प्रथाकितामा राखेको हो ।
उक्त पदका लागि साहसँगै प्यूठानका कौशल केसी र सप्तरीका सञ्जीवकुमार देव अन्तिम प्रतिस्पर्धामा रहेका थिए । निर्णयसँगै अब साहले पूर्ण जिम्मेवारीका साथ निगमको कमान सम्हाल्नेछन् ।
वि.सं.२०८३ साउन २१ बिहीवार १४:०९ मा प्रकाशित
