हामी सबैकाे संसारन्यूज

काठमाडौँ । अखिल नेपाल महिला सङ्गठन(अनेमसंघं)को केन्द्रीय कार्यालयको प्रथम बैठक आयोजक दामा शर्माको अध्यक्षतामा सम्पन्न भएको छ । बैठकमा प्रमुख अतिथिका रूपमा जयन्ती राईको उपस्थिती रहेको थियो ।

बैठकले संगठनलाई थप व्यवस्थित, प्रभावकारी र गतिशील बनाउने उद्देश्यले विभिन्न महत्त्वपूर्ण निर्णयहरू गरेको छ। प्रदेशगत एकतालाई सुदृढ पार्न आगामी भदौ महिनाभित्र सबै प्रदेशको एकता भेला आयोजना गर्ने निर्णय बैठकले गरेको छ। त्यस्तै, सङ्गठनको कार्यलाई व्यवस्थित बनाउन आयोग विभाग कमिटी र युवा महिला विभाग कमिटी गठन गर्ने निर्णय पनि गरिएको छ ।

 बैठकले महिलाको हक, अधिकार र सशक्तीकरणका विषयमा आगामी दिनमा थप प्रभावकारी कार्यक्रम ल्याउने उल्लेख गरेको छ । संगठनले आगामी दिनहरूमा महिला सशक्तीकरण, नेतृत्व विकास र समानताका लागि थप ठोस कार्यक्रमहरू अघि बढाउने प्रतिबद्धता जनाएको छ।