हामी सबैकाे संसारन्यूज

१६ असार, एजेन्सी । वार्सिलोनाका सुपरस्टार लिओनल मेस्सीले आज जुन ३० का दिन आफ्नी बालसखा एन्टोनेल्ला रोकुज्जो सँग बिबाह बन्धनमा बाधिँदैछन् । उत्तरी अर्जेन्टिनाको रोजारिओ भन्ने ठाउमा मेस्सीको बिहे हुन् लागेको हो ।

यी हुन् मेस्सीको बिहे बारे रोचक तथ्यहरु
 बिहे स्थान
मेस्सीको विहे स्थान उत्तरी अर्जेन्टिनाको रोजारिओ भन्ने ठाउमा पर्दछ । जहाँ उनले आफ्नो बाल्यकाल बिताएका थिए । चाख लाग्दो कुरा के छ भने मेस्सीले बिहे गर्ने ठाउ तथा मेस्सी जन्मेको ठाउ चर्चित कम्युनिष्ट नेता चे ग्वेभाराको जन्म स्थान समेत हो ।
को हुन् त एन्टोनेल्ला रोकुज्जो

मेस्सीकी बालसखा रोकुज्जो जसलाई मेस्सीले ५ वर्षको उमेरमा चिनेका थिए । उनैलाई मेस्सलिे बिहे गर्न लागेका हुन् । यी जोडीहरु सन् २०१२ देखि सँगै बस्दै आएका छन् र यीनीहरुको दुई जना छोरा समेत रहेका छन् । 

को को लाई बोलाईएको छ त बिहेमा

मेस्सीले आफ्ना वार्सिलोनाका खेलाडी , अर्जेन्टिन्ी राष्ट्रिय टिमका केही खेलाडी तथा वार्सिलोनाका पुर्व खेलाडीहरु प्राय सबैलाई निमन्त्रण गरिएको छ । साथै उनले वार्साका पुर्व खेलाडीहरु रोनाल्डिन्हो, डानी आल्भेस, डेको, फाब्रिगास, जाभीलगायतलाई निमन्त्रणा गरेका छन् ।
यस्तै वार्सिलोनाका खेलाडी जेरार्ड पिकेले मेस्सीको निमन्त्रणा अस्विकार गरेका छन । पिकेकी श्रीमती शाकिरा र मेस्सीकी प्रेमिका रोकुज्जो बिचको टकरावका कारण पिके मेस्सीको बिहेमा नजाने बताईएको छ । यस्तै वार्साका अर्का खेलाडी आन्द्रेस इनिस्टा समेत अनुपस्थित रहने बताईएको छ ।

बिहे स्थल

मेस्सीको बिहे रोजारिओ सहरमा रहेको मध्य भागको एक क्यासिनो होटलमा हुने भएको छ । करिब २६० पाहुनाका बिच मेस्सीको पाँच तारे होटलमा बिवाहको भव्य समारोह हुदैँछ ।

खाद्य परिकार

मेस्सीको बिहेमा प्राय जसो स्थानीय खाद्य परिकारहरु बनाउन मेस्सीले होटल प्रशासनलाई अर्डर दिएका छन् । मुख्य परिकारमा अर्जेन्टिनामा प्रख्यात गाईको मासुको रोष्ट हुने छ । यसका साथै विभिन पास्ता तथा सलादहरु समावेश हुने छ ।
संगीत तथा ब्यान्ड

मेस्सीको बिहेमा उरुग्वेको चर्चित पप व्यान्ड रोम्बाई र मार्मा तथा फुटबलर सर्जियो अग्वेरोकी श्रीमती तथा गायिका करिनाले प्रस्तुती दिने बताईएको छ ।

सुरक्षा तथा मिडिया

मेस्सीको बिहे हुने होटलको बाहिरी भागमा कडा सुरक्षा दिइने बताईएको छ । होटलको बाहिरी घेरामा सुरक्षकर्मीहरु तैनाथ गरिने बताईएको छ । उनको बिहेमा करिब १५० जना सञ्चार कर्मीलाई प्रवेश गर्न दिइने बताईएको छ । उनको बिहेमा गएका पत्रकारहरुले पाहुनाहरुसँग संवाद गर्न भने नपाईने बताईएको छ ।