back

जग्गाबन्धकी लिएर सामूहिक बदाम खेतीमा महिला

वि.सं.२०७४ असार २४ शनिवार

213 

shares
Global IME AD
NMB Bank Limited Long Ad Banner

badam२४ असार, पोखरा । वर्षेनी जग्गा बाँझिदै गएको र बाँदरले कृषकलाई सताइरहेका अवस्थामा यहाँको एक गाउँका महिलाले भने जग्गाबन्धकी लिएर आयआर्जनका लागि सामूहिक बदामखेती गर्दै आएका छन् ।

कास्की जिल्ला, माछापुच्छ्र«े गाउँपालिका–३ घाहाचोकस्थित भलाबोट फाँटमा अन्नपूर्ण महिला प्राङ्गारिक कृषि सहकारी संस्थामार्पmत उनीहरूले एक दशकदेखि सामूहिक बदाम खेती गर्दै आएका हुन् ।

घाचोकका अधिकांश घरमा बदाम खेती गर्ने प्रचलन छ । त्यही बदाम बिक्री गरी चाडबाड मनाउने यहाँको प्राचीन प्रचलन पनि हो । तीन वर्षको लागि रु एक लाख ५० हजारमा पाँच रोपनी जग्गा बन्धकी लिएर दुई मुरी स्थानीय जातको बदामको बीउ लगाइएको सहकारी संस्थाका अध्यक्ष अनन्ता पोख्रेलले बताउनुभयो ।

उहाँले यस वर्ष लगभग २५ मुरी बदाम उत्पादन हुने बताउँदै बजारमा बिक्री गर्दा रु दुई लाखभन्दा बढी आम्दानी गर्ने लक्ष्य लिइएको जानकारी दिनुभयो । उहाँका अनुसार परम्परागत रुपमा घाहाचोकको बदामले कमाएको ख्याति र स्थानीय बीउको संरक्षण गर्दै सामूहिक खेतीको माध्यमबाट महिलाको आयआर्जनमा अभिवृद्धि गर्ने लक्ष्यका साथ २०६४ सालदेखि निरन्तर बदाम खेती गर्दै आइएको हो ।

“उत्पादित बदाम बिक्री हुँदैन कि भन्नु पर्दैन, घाचोकको बदामका पारखी र पोखराका व्यापारी खरिद गर्न बारीमै आउँछन्,” उहाँले भन्नुभयो, “यस वर्ष बदाम प्रतिपाथी रु ४५० मूल्य निर्धारण गरिने भएको छ ।”

सम्झौतानुसार निश्चित समयमा मूल धन फिर्ता गर्ने र जग्गा उपयोग गरेबापत ब्याज तिर्न नपर्ने प्रथालाई बन्धकी भनिन्छ । अध्यक्ष पोख्रेलले प्रत्येक वर्ष छुट्टाछुट्टै जग्गामा गरिने भएकाले बदामलाई घुम्ती खेतीका रुपमा लिइएको बताउनुभयो ।

संस्थाले बदामको अलावा मौसमी तथा बेमौसमी तरकारी खेती, आलु, धान, तोरी, सिलामलगायतको सामूहिक खेती गर्दै आएको छ । सामूहिक कृषिका कारण सहकारी संस्था गठन गर्दा मासिक रु २० सङ्कलन गर्न समेत हिच्किचाउने महिला अहिले खुशी भएर मासिक रु तीन सयजम्मा गर्न थालेका छन् ।

त्यही सहकारीबाट ऋण लिएर शेयर सदस्य महिलाले गाई, भैँसी एवम् कुखुरापालन, तरकारीखेती, आधुनिक कृषि औजार खरिद गरी आयआर्जन गर्दै आएको सहकारी संस्थाका सचिव गायत्री पोख्रेलले जानकारी दिनुभयो ।

उपयुक्त हावापानी र बलौटे माटामा गाईभैँसीको मल मात्र प्रयोग गरेर उत्पादित प्राङ्गारिक बदामबाट आगामी दिनमा गाउँमै पिनट बटर बनाएर पोखराका होटलमा बिक्री गरी आन्तरिक एवम् बाह्य पर्यटकलाई स्वाद चखाउने लक्ष्य राखिएको छ ।

यसबाट शेयर सदस्यका लागि स्वरोजगार सिर्जना गर्दै थप आम्दानीको स्रोत बढाइने सहकारीको लक्ष्य रहेको सचिव पोख्रेलले बताउनुभयो ।

सामूहिक बदाम खेतीले गाउँका सबै दिदीबहिनीलाई सङ्गठित गरेको बताउने सहकारीका शेयर सदस्य कलाज्यू ठकुरीले बारी तयार गरेदेखि उत्पादन भित्रयाउँदासम्म बारीमा दिदीबहिनी जम्मा हुँदा पर्व आए जस्तै हुने गरेको बताउनुभयो ।

महिलाको प्रयासलाई पुरुषले पनि राम्रो सहयोग गरेका कारण महिला अधिकार सुरक्षित भएको अनुभूति गरेको ठकुरीको भनाइ छ ।

कूल रु ४९ लाख ६६ हजारको कारोबार रहेको सहकारीले विभिन्न पेशा–व्यवसाय सञ्चालनका लागि रु २८ लाख ऋण लगानी गरेको छ । संस्थामा हाल रु १३ लाख ५० हजार बचत रहेको संस्थाका कोषाध्यक्ष पार्वती पोख्रेलले जानकारी दिनुभयो । उहाँका अनुसार बालबचत खातामा रु छ लाखभन्दा बढी सङ्कलन भएको छ ।

सहकारीलाई जिल्ला कृषि विकास कार्यालय कास्कीबाट सिंचाइका लागि रु एक लाख अनुदान र गाविसबाट रु दश हजार सहयोग प्राप्त भएको बताउँदै उहाँले शेयर सदस्यलाई अभैm पनि ज्ञान र सीपको अभाव खड्कँदै आएको छ ।

संस्थाका गतिविधि सञ्चालनका साथै बदामको बीउ भण्डारणका लागि संस्थाले रु ७० लाखको लागतमा सुविधासम्पन्न तीनतले पक्की भवन निर्माण शुरु गरेको बताउँदै उहाँले सो भवन निर्माणका लागि कृषि इन्जिनियरिङ कार्यालय हरिहर भवन ललितपुरले तीन वर्षमा लगभग रु ६० लाख अनुदान र बाँकी संस्थाले व्यहोर्ने जानकारी दिनुभयो ।

वि.सं.२०७४ असार २४ शनिवार ०७:५१ मा प्रकाशित

मुस्ताङमा चिस्यान केन्द्र, बेसिजन पनि खान पाइने भइयो स्याउ

मुस्ताङमा चिस्यान केन्द्र, बेसिजन पनि खान पाइने भइयो स्याउ

म्याग्दी । मुस्ताङका किसानले चिस्यान केन्द्रमा भण्डारण गरेर बेसिजन पनि...

पोखराका कौसी हराभरा बनाउने मेहनती किसान, ‘कौसी क्विन’ बनिन् रानाभाट

पोखराका कौसी हराभरा बनाउने मेहनती किसान, ‘कौसी क्विन’ बनिन् रानाभाट

जमुना वर्षा शर्मा, पोखरा । पोखरा महानगरपालिका–६ वैदामकी भावना रानाभाट...

भारतीय सेनाबाट अवकाश लिएपछि स्याउँ खेतीमा रमाउँदै पर्वतका शेरपूजा

भारतीय सेनाबाट अवकाश लिएपछि स्याउँ खेतीमा रमाउँदै पर्वतका शेरपूजा

पर्वत । पर्वतमा पहिलोपटक व्यावसायिकरुपमा स्याउखेती सुरु गरिएको छ ।...

किसानलाई चैते धान रोप्न भ्याइनभ्याइ

किसानलाई चैते धान रोप्न भ्याइनभ्याइ

मध्यविन्दु (नवलपरासी) । नवलपरासी (बर्दघाट सुस्तापूर्व)मा सिँचाइको सुविधा पर्याप्त भएको...

रु २१ करोडको लगानीमा आधुनिक प्रविधिसहितको शीतभण्डार निर्माण

रु २१ करोडको लगानीमा आधुनिक प्रविधिसहितको शीतभण्डार निर्माण

नवलपरासी । पश्चिम नवलपरासीमै पहिलो पटक आधुनिक प्रविधिसहितको शीतभण्डार निर्माण...

नगरपालिकाले ल्यायो किसानको जीवनस्तर उकास्ने ‘मिल्की वे’ परियोजना

नगरपालिकाले ल्यायो किसानको जीवनस्तर उकास्ने ‘मिल्की वे’ परियोजना

कमलकुमार बस्नेत, सिन्धुली । कमलामाई नगरपालिका–५ कि किसान गुणकुमारी घिमिरे...