हामी सबैकाे संसारन्यूज

३ साउन, काठमाडौँ । फ्रेनच क्लब एउस मोनाकोले सटार फरवार्ड किलिएन एम्बेप्पेलाई रियलले लान चाहेको खण्डमा आफुहरुलाई रियल म्याड्रिडले अट्याकिङ मिडफिल्डर मार्को एसेन्सियो तथा ६० मिलियन पाउन्ड बराबरको रकम दिनुपर्ने सर्त अघि सारेको छ ।
स्पेनिश खबर पत्रिका गोल डायरोका अनुसार रियलले एसिन्सयोलाई मोनाको पठाएको खण्डमा मात्र एम्बेप्पेलाई रियल जान दिने बताएको हो । गत सिजन मात्र सिनियर फुटबलमा डेब्यु गरेका १८ वर्षे किशोर फरवार्डले अघिल्लो सिजन निकै राम्रो प्रर्दशन गरेका थिए । गोल गर्ने निकै राम्रो क्षमता भएका फरवार्डलाई किन्न युरोपका महारथी मानिने रियल म्याड्रिड लगायतका क्लबहरुले किन्न आतुर देखिएका छन् । प्रतिभावान खेलाडीलाई किन्न मोटो रकम खर्च गर्न तयार रियलले मोनाको स्टार एम्बेप्पेलाई किन्न निकै कोसिस गरेको छ ।
उता मोनाकोले एम्बेप्पेको स्थानमा प्रतिभावान खेलाडी एसेन्सियोलाई पाएको खण्डमा एम्बेप्पेलाई बेच्न तयार रहेको पाईएको छ । तर रियलले प्रतिभावान खेलाडी एसेन्सियोलाई बेच्ने सम्भावना भने निकै कम रहेको छ ।