Sansar News
३० साउन,सोलुखुम्बु । जिल्ला समन्वय समिति सोलुखुम्बुको प्रमुखमा नेकपा (एमाले)का वीरकुमार राई निर्विरोध निर्वाचित हुनुभएको छ ।
नेकपा एमाले र नेकपा (माओवादी केन्द्र)को संयुक्त समूहको मात्र उम्मेदवारी दर्ता भएकाले उहाँले आज निर्विरोध निर्वाचित हुनुभएको मुख्य निर्वाचन अधिकृतको कार्यालयले जनाएको छ ।
समितिमा नेकपा एमालेबाट प्रमुखसहित छ सदस्य र नेकपा माओवादी केन्द्रकाट उपप्रमुखसहित तीन सदस्य निर्विरोध निर्वाचित भएका छन् ।
समितिको प्रमुखमा वीरकुमार राई, उपप्रमुखमा धर्मराज वन, सदस्यमा रामकाजी राई, डोल्मा तामाङ, दाडोमा शेर्पा, मोहनकृष्ण बस्नेत, चरित्र भुजेल, मानबहादुर श्रेष्ठ र रामुकुमारी राई रहनुभएको छ । रासस
वि.सं.२०७४ साउन ३० सोमवार १४:४० मा प्रकाशित
