८ भदौँ , एजेन्सी । लालिगाद्वारा ५ खेलको प्रतिबन्ध बेहोरेका रोनाल्डोको उत्कृष्ट गोलको मदतमा रियलले बर्नेबाउ ट्रफी जितेको छ । रियलका एतिहासिक खेलाडी बर्नेबाउको स्मरणमा खेलिएको मैत्रिपुर्ण खेलमा ईटलियन क्लब फिएरोन्टिनालाई हराउदैँ रियलले सिजनको तेस्रो उपाधि जितेको हो ।
रियलले फिएरोन्टिनालाई २ १ गोल अन्तरले हराएको हो । रियलको जितमा बोर्जा मायरोयल र रोनाल्डोले एक एक गोल गरे । खेलको चौथो मिनेटमा भेरेटुटको गोलबाट फिएरोन्टिनाले अग्रता लिएको थियो तर त्यसको ३ मिनेट बित्न नपाउदैँ रियलका बोर्जाले गोल गरेका थिए । त्यसपछि खेलको ३३ औ मिनेटमा रोनाल्डोले उत्कृष्ट गोल गर्दै रियललाई सिजनमा तेस्रो ट्रफी जिताए ।
रियलले यसअघि युएफा र स्पेनिश सुपर कपको उपाधि जितिसकेको छ ।
