Logo
२२ माघ २०७९, आईतवार
     Sun Feb 5 2023
E-paper
  English Edition
   Unicode
Logo

साउदी अरबबाट फर्केका बस्नेत घरमै बसेर मासिक लाख कमाउँछन्



poudelउर्लाबारी (मोरङ) । च्याउ खेती गरेर उर्लाबारी नगरपालिका– ७ का ३५ वर्षीय देवेन्द्र बस्नेत र ३२ वर्षीय गोपाल बस्नेतले मासिक रु एक लाखभन्दा बढी आम्दानी गरिरहनु भएको छ ।

चार वर्षदेखि बस्नेत दाजुभाइ व्यावसायिक रूपमा च्याउ खेतीमा लाग्नुभएको हो । उनीहरूले आधुनिक च्याउ उद्योग सञ्चालन गर्दै आएका छन् । सामान्य रूपमा बस्नेत दाजुभाइले १८ वर्षदेखि च्याउ खेती गर्दै आएका हुन् ।

बस्नेत दाजुभाइले रु एक हजारको लागतबाट च्याउ खेती शुरु गरेका हुन् । यतिबेला उनीहरूको लगानी रु एक करोड पुगेको छ । उहाँहरूले च्याउ बिक्रीका लागि दुईवटा गाडी समेत किन्नु भएको छ ।

“दैनिक ३०० किलोदेखि ५०० किलोसम्म च्याउ उत्पादन हुन्छ,” देवेन्द्रले भन्नुभयो । बस्नेत दाजुभाइले च्याउका साथै बीउ समेत उत्पादन गरी बिक्री गर्दै आउनु भएको छ । उहाँहरूले दैनिक काठमाडौँ, पोखरा, हटौँडा, महेन्द्रनगर, दाङसहित पूर्वका अधिकांश स्थानमा च्याउको बीउ बिक्रीका लागि पठाउने गर्नुभएको छ । कन्यू, डल्ले, सिताके, हवाइट मिल्के र पिङ्क च्याउ उत्पादन गर्दै आएको देवेन्द्रले बताउनुभयो ।

दश कठ्ठा आफ्नै जग्गामा च्याउ खेती गर्दै आएका बस्नेत दाजुभाइले २५ जनालाई रोजगारी समेत दिनुभएको छ । च्याउ प्रतिकिलो खुद्रा रु २०० मा बिक्री हुन्छ । उहाँहरूले पूर्वाञ्चलमै पहिलो पटक च्याउ उमाल्ने प्रविधिको प्रयोग गर्नुभएको छ । सो प्रविधिबाट एकै पटकमा ६ वटा ड्रममा पराल उमाल्न सकिन्छ । सो प्रबिधिबाट ७० प्रतिशतसम्म इन्धन बचत गर्न सकिने देवेन्द्रको भनाइ छ ।

च्याउलाई दुईदेखि तीन दिनसम्म राख्न सकिने ¥यापिङ मेसिन नहुँदा उत्पादित च्याउलाई भण्डारण गर्न नसकेको अर्का व्यवसायी गोपालले भन्नुभयो । गोपाल चार वर्ष साउदी अरबमा मजदुरी गरेर फर्किनु भएको हो । “अहिलेसम्म सरकारी अनुदान पाउन सकेका छैनौँ,” उहाँले भन्नुभयो ।


यो खबर पढेर तपाईलाई कस्तो महसुस भयो ?

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको

काठमाडौं । राष्ट्रिय स्वतन्त्र पार्टीको केन्द्रीय समिति र संसदीय दलको बैठक एकसाथ बसिरहेको छ

काठमाडौं । राष्ट्रिय स्वतन्त्र पार्टी (रास्वपा) ले केन्द्रीय समिति र संसदीय दलको आकस्मिक बैठक

स्व. दण्डपाणि अर्ज्यालको नाममा स्थापित दण्डपाणि अर्ज्याल स्मृति केन्द्र काठमाडौको आयोजनामा गोरखा नगरपालिका स्तरीय