Logo
१२ मंसिर २०७८, आईतवार
     Sun Nov 28 2021
E-paper
  English Edition
   Unicode
Logo

काँग्रेसमा आस्था हुँदैमा सधैं बुढो रुखमा भोट हाल्नुपर्दैन – कृष्णभक्त पोख्रेल



uml-in-chitwan
शिशिर सिंखडा

१२ मंसिर, चितवन, खोलेसिमल । नेकपा एमालेका अध्यक्ष एवम् प्रतिनिधि सभा चितवन क्षेत्र नं. २ का संयुक्त वाम गठबन्धनका उम्मेदवार कृष्णभक्त पोख्रेलले नेपाली कांग्रेसमा आस्था राख्दैमा सधैं बुढो रुखमा नै भोट हाल्नु नपर्ने बताएका छन् । नेपाली कांग्रेसले पटक पटक दुई तिहाई र बहुमतको सरकारमा रही काम गरेपनि देश र जनताको लागि काम गर्न नसकेकोले बुबा, हजुरबुबाले भोट हाल्ने गरेको भए पनि यसपटक रुखमा भोट नहाल्न अनुरोध गरेका थिए ।

सोमबार कालिका नगरपालिकाको वडा नं. ६ र १ मा आयोजित घरदैलो तथा मतदाता भेटघाटको क्रममा खोलेसिमल बजारमा आयोजित कोणसभामा सम्बोधन गर्दै उम्मेदवार पोख्रेलले स्थानीयको भरोसा र काम गर्न सक्ने वाम गठबन्धनका उम्मेदवारलाई सूर्य र गोलाकार भित्रको हसिया हथौडा चिन्हमा मतदान गरी विजयी गराउन स्थानीयलाई आग्रह गरेका थिए ।

चितवनको समग्र विकास गर्दै यस क्षेत्रका जनताको शिक्षा, स्वास्थ्य, रोजगारको ग्यारेण्टी गर्न हाम्रो गठबन्धन प्रतिवद्ध रहेको पोख्रेलले बताए । यसै नगरपालिकाको शक्तिखोर क्षेत्रमा बन्ने औद्योगिक क्षेत्रमा हजारौं युवाहरुलाई रोजगारी प्रदान गर्ने, अव्यवस्थित एवम् पूर्जाविहिनहरुलाई स्थानीय नगरपालिकाको समन्वयमा पूर्जा वितरण गरेरै छाड्ने उम्मेदवार पोख्रेलले बताए । कोही कसैले भ्रमको खेती गरी वाम गठबन्धनलाई बिगार्न नसक्ने भन्दै क्षणिक स्वार्थका कुरा गर्नेहरुसँग सचेत रहन पनि पोख्रेलले आग्रह गरेका थिए ।

uml-in-chitwanqवाम गठबन्धनले चितवनका सबै क्षेत्रमा निर्वाचन जित्ने – प्रदेश सभा उम्मेदवार घनश्याम दाहाल
कार्यक्रममा प्रदेश सभा चितवन क्षेत्र नं. २ “ख” का उम्मेदवार घनश्याम दाहालले नेपाली कांग्रेसका उम्मदेवारहरुले आफु पराजित मानसिकतामा वाम गठबन्धनलाई गाली गर्दै हिडेको बताएका छन् । चुनाव हार्ने भएपछि यसै प्रदेशका उम्मेदवारले आफुलाई मात्र भोट माग्दै हिडेको भन्दै दाहालले वाम गठबन्धनले चितवनका सबै क्षेत्रमा निर्वाचन जित्ने भएकोले ढुक्कसँग गठबन्धनलाई मतदान गर्न आग्रह गरेका थिए ।

कांग्रेस भएकोमा हिनताबोध – त्रिलोचन पौडेल
खोलेसिमल बजारमा आयोजित सोही कोणसभामा नेपाली कांग्रेसमा ५० वर्षभन्दा बढी क्रियाशील रही काम गरेका नेता त्रिलोचन पौडेलले नेपाली कांग्रेसको रुख ढलिसकेको भन्दै अब कांग्रेसको भ्रममा नपर्न स्थानीयलाई आग्रह गरेका थिए । नेपाली कांग्रेस अब सदाको लागि पराजित भएको भन्दै पौडेलले सरकारमा रहेर कहिल्यै पनि जनताको काम गर्न नसक्ने कांग्रेस प्रजातन्त्र र लोकतन्त्रको पक्षमा हुन नसक्ने बताए । आफु नेपाली कांग्रेसमा ५० वर्ष कार्यरत रहदा गल्ती गरेको आफैलाई हिनताबोध भएको बताउँदै पौडेलले वाम गठबन्धनका उम्मेदवारहरुलाई विजयी गराएर राष्ट्र र राष्ट्रियताको पक्षमा लाग्न अनुरोध समेत गरेका थिए ।


यो खबर पढेर तपाईलाई कस्तो महसुस भयो ?

काठमाडौं । नेकपा (एमाले)का अध्यक्ष केपी शर्मा ओली बन्दसत्रमा प्रस्तुत गर्ने पदाधिकारी र केन्द्रीय

काठमाडौं । सर्वसम्मत नेतृत्व चयनको प्रयासमा रहेका एमाले अध्यक्ष केपी शर्मा ओलीले नेताहरुसँग व्यक्तिगत

फर्शुराम भुर्तेल,पर्वत । गण्डकी प्रदेश पर्वत जिल्लाको पैञ्यू गाउँपालिकामा माओवादी शक्ति पुर्नसंगठित हुँदै अघि

अफ्रिका । इमिरेट्स एयरलाईन्सद्धारा घानाको एयरपोर्टमा अचेत अवस्थामा छोडिएका रुकुमका रुपक बोहोराको उपचारकै क्रममा