हामी सबैकाे संसारन्यूज

२२ मंसिर, काठमाडौं । मंसिर १० र २१ गते गरी दुई चरणमा सम्पन्न भएको प्रतिनिधिसभा र प्रदेशसभा निर्वाचनको मत परिणाम आउने क्रम जारी रहेको छ ।
हालसम्मको मत परिणाम अनुसार प्रतिनिधि सभाका उम्मेदवारहरुमा पूर्वी रुकुम १ बाट कमला रोका (नेकपा माओवादी केन्द्र), मनाङबाट पाल्देन छोपाङ गुरुङ (एमाले), मुस्ताङबाट प्रेम प्रसाद तुलाचन(एमाले),योगेश भट्टराई ताप्लेजुङबाट (एमाले) विजयी भएका छन् ।
त्यस्तै प्रदेशसभा पूर्वी रुकुम ‘क’ बाट पूर्ण बहादुर खत्री र ‘ख’ बाट तेज बहादुर वली (नेकपा माओवादी केन्द्र) विजयी भएका छन् ।
त्यस्तै डोल्पा प्रदेशसभा ‘क’ बाट एमालेका नन्द सिंह बुढा विजयी भएका छन भने म्याग्दी क्षेत्र न १ को प्रदेशसभा ‘ख’ बाट एमालेकी उम्मेदवार नरदेवी पुन विजयी भएकी छन । साथै मुस्ताङ प्रदेश नं ‘क’ बाट एमालेका इन्द्रधारा विष्ट विजयी भएका छन् ।
त्यस्तै स्वतन्त्र तर्फबाट हुम्लाबाट छक्कु बहादुर लामा र मनाङबाट राजिव गुरुङ (दिपक मनाङे) विजयी भएका छन् ।
पहिलो चरणको निर्वाचनको प्रारम्भिक मत परिणाम अनुसार प्रत्यक्षतर्फ एमालेले ३ स्थान र नेकपा माओवादी केन्द्रले १ स्थानमा विजयी हासिल गरेको छ भने स्वतन्त्र उम्मेदवार २ जनाले विजयी हासिल गरेका छन् ।
त्यस्तै प्रदेशसभामा एमाले ४ नेकपा माओवादी केन्द्रबाट २ जानले विजयी हासिल गरेका छन् ।