हामी सबैकाे संसारन्यूज

२६,मंसिर मन्थली । रामेछापमा गत मंसिर १० मा सम्पन्न निर्वाचनको प्रतिनिधि तथा प्रदेशसभा निर्वाचनका लागि भएको समानुपातिक तर्फको मत गणना समेत सकिएको छ । समानुपातिकतर्फ नेकपा एमाले पहिलो पार्टी बन्न सफल भएको छ ।

समानुपातिक तर्फको मत परिणाम अनुसार प्रतिनिधिसभा र प्रदेशसभा दुवैमा नेकपा एमाले पहिलो , नेपाली कांग्रेस दोस्रो र माओवादी केन्द्र तेस्रो भएका छन् ।

निर्वाचनमा जम्मा खसेको ८९ हजार ५ सय ८७ मत मध्ये  प्रतिनिधिसभाको समानुपातिक तर्फ अनुसार एमालेले २६ हजार ८ सय ५२ , नेपाली कांग्रेसले २६ हजार २ सय २७ र माओवादी केन्द्रले १९ हजार ४ सय ३७ मत प्राप्त गरेका छन् ।
यस्तै प्रदेशसभातर्फ नेकपा एमालेले २६ हजार १ सय २ , कांग्रेसले २३ हजार ८ सय ६६ र माओवादी केन्द्रले १८ हजार ७ सय ४८ मत ल्याएका छन् । प्रत्यक्ष तर्फ भने वाम गठबन्धनले ३ वटै निर्वाचन क्षेत्रमा बाजी मारेका थिए ।