हामी सबैकाे संसारन्यूज

२८ मंसिर, एजेन्सी । पोर्चुगिज तथा रियल म्याड्रिडका स्टार फरवार्ड क्रिस्ट्यिानो रोनाल्डो क्लब विश्वकपको सर्वकालीन उच्च गोलकर्ता बनेका छन् । हिजो राति युएईको अबुधावीमा सम्पन्न सेमिफाईनल अन्र्तगतको खेलमा अल जजिराको विरुद्ध गोल गर्दै क्लब विश्व कपमा सबैभन्दा गोल गर्ने खेलाडी बन्न पुगेका हुन् । रोनाल्डोले क्लब विश्वकपमा ६ गोल गरेका छन् । प्रतिद्वन्द्धी क्लब वार्सिलोनाका फरवार्ड द्वय लिओनल मेस्सी तथा अर्जेन्टिीनी क्लब रोस्नारियोका विङगर सेसर डिलगोडोको ५ गोलको रेर्कड तोडेका हुन् ।
हिजो राति सम्पन्न खेलमा रियलले अल जजिरालाई २ -१ गोल अन्र्तगतले हराउदैँ प्रतियोगिताको फाईनलमा समेत प्रवेश गरेको छ । रियलले अब प्रतियोगिताकोफाईनलमा शनिबार ब्राजिलियन क्लब ग्रेमियोको सामना गर्ने छ ।