Sansar News
२२ पुस, काठमाडौं । मस्तिष्काघातबाट पीडित वरिष्ठ साहित्यकार मनु ब्राजाकीको स्वास्थ्य सुधारोन्मुख हुँदै गएको छ ।
करिब तीन सातादेखि ललितपुरको पाटन अस्पतालमा उपचाररत ब्राजाकीको स्वास्थ्यमा सुधार आएपछि भेन्टिलेटरबाट सामान्य श्ययामा सारिएको साहित्यकार सुनिल पुरीले जानकारी दिए ।
साहित्यकार ब्राजाकीलाई सामान्य हिँडडुल गराइए पनि बोल्न सकेका छैनन् । उनलाई अहिले पनि स्लाइन दिइएको छ । प्रगतिवादी एवं जीवनवादी धारका शिघ्र स्वास्थ्यलाभको कामना गर्दछौं । उनका ‘अन्नपूर्णाको भोज’, ‘तिम्री स्वास्नी र म’ र ‘अवमूल्यन’ कथासंग्रहका साथै गजलसंग्रह तथा पत्रपत्रिकामा लेखरचना प्रकाशित छन् । उनले‘कान्छी वेगम’ शीर्षकमा उपन्यास लेख्दछन् । महोत्तरी स्थायी घर हुनुभएका ७६ वर्षीय ब्राजाकी हाल ललितपुर भैँसीपाटीमा बसोबास गर्दै आएका छन् ।
वि.सं.२०७४ पुस २२ शनिवार ०२:४६ मा प्रकाशित
