हामी सबैकाे संसारन्यूज

पोर्चुगलमा सडक दुर्घटनामा परि नेपाली चेलीको मृत्यु भएको छ भने अन्य ६ जना घाइते भएका छन् ।
पोर्चुगलको राजधानी लिस्बोन नजिकै रहेको रहेको मोन्तोजो–पिगोएसमा दुर्घटनामा परि चितवन साविकको भण्डारा गाविस ८ हाल राप्ती नगरपालिका वडा नं ४ की २५ वर्षीया कुमारी खुलाल (दिया तामाङ)को २५ जनवरीका दिन सडक दुर्घटनामा परेर ज्यान गएको हो । साथै सोहि दुर्घटनामा ७ जना घाइते भएका छन् ।

सो दुर्घटनामा परि चितवनकै अनिशा विश्वकर्माको अवस्था गम्भीर रहेको तथा अनिशा बिक, अल्का भेटवाल, आरती श्रेष्ठ राई। एषा बतौृला, तुफेल मोहम्मद लगायत घाइतेहरुको स्थानीय सेतुबाल अस्पतालमा उपचार भइरहेको बताइएको छ ।
बिहाँनै कामगर्न जाने क्रममा पानी परेका कारण गाडी अनियन्त्रित भएपछि दुर्घटना भएको बताइएको छ । गाडी पन्जाबि ड्राइभरले चलाएको बताइएको छ ।
खुलालको असामयिक निधनको खबरले मर्माहत भएको तथा चितवन समाज पोर्चुगल परिवार तथा पोर्चुगलमा रहेका नेपालीहरु गहिरो चोटमा परेको पुर्चुगलमा रहेका एनआरएनए अभियन्ता हेमन्त सेढाइले जनाएका छन् ।