१३ माघ । इंग्ल्याण्डका तीब्र गतिका बलर बेन स्टोक्स १२ करोड ५० लाख भारतीय रुपैयाँमा राजस्थान रोयल्समा आबद्ध भएका छन् । स्टोक्स जारी आईपीएल अक्सनको पहिला पहिलो सत्रमा सबैभन्दा धेरै मूल्यमा बिक्ने खेलाडी बनेका हुन् ।
यसै गरि अक्सनमा धेरै मूल्यमा बिक्ने खेलाडीहरुमा अस्ट्रेलियन बलर मिचेल स्टार्कलाई कोलकत्ता नाइट राइडर्सले ९ करोड ४० लाख, भारतीय स्पिनर रविचन्द्रन अश्विनलाई किंग्स इलाभेन पञ्जावले ७ करोड ६० लाख, शिखर धवनलाई सनराइजर्स हैदरावादले ५ करोड २० लाख र अजिंक्या रहानेलाई राजस्थान रोयल्सले ४ करोडमा खरिद गरेका छन् ।
आईपीएल अक्सनमा पहिलोपटक नेपाली स्पिनर सन्दीप लामिछाने पनि समावेश छन् । उनको प्रारम्भिक मूल्य २० लाख भारु रहेको छ ।
वि.सं.२०७४ माघ १३ शनिवार ०७:१४ मा प्रकाशित