१२ असोज, कुन्दुज (अफगानिस्तान) । उत्तरी अफगानिस्तानमा दुई सैनिक अधिकारीले आफ्नै साथीहरूमाथि लक्षित गरी गोली चलाउँदा १२ जना सेनाको मृत्यु भएको यहाँको सेनाले मङ्गलबार जनाएको छ ।
उत्तरी प्रान्तीय राजधानी कुन्दुजको नजिकै जाखिलमा रहेको एक सुरक्षा जाँच स्थलमा खटिएका दुई सेनाले एक्कासी आफ्नै सहकर्मीलाई लक्षित गरी आक्रमण गरेपछि १२ सैनिकको मृत्यु भएको सैनिक सूचना अधिकारी गुलाम हजरत करिमीले बताउनुभयो ।
आक्रमण हुँदा मृतक सबै सैनिक निदाइरहेका करिमीले बताउनुभयो ।
आक्रमणपछि सैनिक अधिकारी घटनास्थलबाट भागेका बताइएको छ । सेनाले उनीहरूको खोजी गरिरहेको बताएको छ ।
घटनाको तालिवान लडाकू समूहले जिम्मेवारी लिएको छ । सन् २०१६ मा आफ्नै सहर्मीको आक्रमणबाट दर्जनौँ सैनिक अधिकारीले ज्यान गुमाएका छन् । सिन्ह्वा
