पहिराले पुरिएर एकको मृत्यु,दुई जना बेपत्ता

सिन्धुपाञ्चोक राम्चे–६ पुरानोगाउँ भन्ने स्थानमा पहिरो जाँदा तीन टहरा पुरिएका हुन् । पहिरामा परी चन्द्रकान्त तिमिल्सेनाका जेठा छोरा रामकुमारको मृत्यु भएको छ भने कान्छा छोरा उद्धव र छोरी सम्झना अझै बेपत्ता छन् ।

पहिराले पुरिएका चन्द्रकान्त र उनकी जेठी बुहारी मुस्किलले बाँच्च सफल भएका छन् । उनीहरु घाइते भएकाले अहिले बाह्रबिसे उपस्वास्थ्य केन्द्रमा उपचार भइरहेको इलाका प्रहरी कार्यालय बाह्रबिसेका प्रहरी निरीक्षक राजु पाण्डेले जानकारी दिनुभयो ।

उहाँका अनुसार अहिले घटनास्थलमा प्रहरी र स्थानीयवासीले बेपत्ताको खोजी गरिरहेका छन् । रासस