back

जुलाईमा ७३ हजार २८५ विदेशी पर्यटक नेपाल आए, कुन देशबाट कति आए त ?

वि.सं.२०७५ भदौ १ शुक्रवार

183 

shares
RBB AD
NTC AD


१ भदौ, काठमाडौँ । सन् २०१८ को जुलाईमा नेपाल आउने पर्यटकको सङ्ख्यामा उल्लेख्य वृद्धि भएको छ ।

जुलाईमा ७३ हजार २८५ बाह्य पर्यटकले नेपाल भ्रमण गरेका छन् । नेपाल पर्यटन बोर्डका अनुसार गत वर्षको सोही महीनाको तुलनामा पर्यटक आगमन ७३.५ प्रतिशतले वृद्धि भएको छ । गत वर्ष सो महिनामा ४२ हजार २४० जनाले नेपाल भ्रमण गरेका थिए ।

सन् २०१८ को सात महीनामा पाँच लाख ९३ हजार २९९ जनाले नेपाल भ्रमण गरेका छन् । सन् २०१७ को तुलनामा १८ प्रतिशतले बढी हो । पर्यटक आवागमनको याम नहुँदासमेत बोर्डले प्रचारात्मक र प्रवद्र्धनात्मक अभियानलाई बढावा दिएका कारण पर्यटकको आवागमनमा वृद्धि भएको नेपाल पर्यटन बोर्डका प्रमुख कार्यकारी अधिकृत दीपकराज जोशीले जानकारी दिए ।

भारतबाट नेपाल आउने पर्यटकको सङ्ख्यामा गत वर्षको सोही महीनाको तुलनामा ८०.४ प्रतिशतले वृद्धि भएको छ । यस्तै दक्षिण एसियाली क्षेत्रीय सहयोग सङ्गठन(सार्क) क्षेत्रका मुलुकबाट आउने पर्यटकको सङ्ख्यामा ६६.१ प्रतिशतले वृद्धि भएको छ । चीनबाट नेपाल आउने पर्यटकको सङ्ख्यामा समेत गत वर्षको सोही महीनाको तुलनामा १२५.४ प्रतिशतले वृद्धि भएको छ ।

यस्तै दक्षिण कोरियाबाट नेपाल आउने पर्यटकको सङ्ख्यामा २१.९ प्रतिशत र जापानबाट आउनेको सङ्ख्यामा ३६ प्रतिशतले वृद्धि भएको छ । जोशीका अनुसार बङ्गलादेशबाट एक हजार ४१०, भारतबाट १८ हजार ३८५, श्रीलङ्काका एक हजार ४५७, पाकिस्तानबाट ३९७, चीनबाट १३ हजार १२३, जापानबाट एक हजार २८४, मलेसियाबाट एक हजार १९३, सिङ्गापुरबाट ३३१, दक्षिण कोरियाबाट दुई हजार ४१५, थाइल्याण्डबाट ८७२, क्यानडाबाट ९२१ तथा अमेरिकाका छ हजार ९५७ पर्यटकले नेपाल भ्रमण गरेका छन् ।

बोर्डले अध्यागमनमा दर्ता भएको तथ्याङ्कका आधारमा पछिल्लो तथ्याङ्क उपलब्ध गराएको हो । विभिन्न प्रवद्र्धनात्मक कार्यक्रम सञ्चालन गरेका कारण पर्यटन आवागमनमा वृद्धि भएको जोशीको भनाइ छ । सरकारले सन् २०२० लाई नेपाल भ्रमण वर्षका रुपमा मनाउने निर्णय गरेको छ । नेपाल भ्रमण वर्षको सचिवालयले आवश्यक तयारीसमेत गरिसकेको छ ।

पर्यटन प्रवद्र्धनका लागि बोर्डले १०० भन्दाबढी पर्यटकीय गन्तव्यको पहिचान गर्न सङ्घीय सरकारले प्रदेश सरकार र स्थानीय तहलाई आग्रह गरिसकेको छ । सरकारले पर्यटन क्षेत्रलाई आर्थिक समृद्धिको प्रमुख आधार बनाउन आवश्यक रणनीति बनाएको छ ।

वि.सं.२०७५ भदौ १ शुक्रवार १७:१४ मा प्रकाशित

NLIC AD
NABIL bank AD
पहिले जङ्गल, झाडी र खोलाले ढाकेको ओशो पार्क’ अहिले पर्यटकको रोजाइमा

पहिले जङ्गल, झाडी र खोलाले ढाकेको ओशो पार्क’ अहिले पर्यटकको रोजाइमा

धरान । । धरान उपमहानगरपालिका–१३ मा रहेको ‘ओशो पार्क’ आन्तरिक...

प्रतिकूल मौसमका कारण सगरमाथा आरोहण प्रभावित

प्रतिकूल मौसमका कारण सगरमाथा आरोहण प्रभावित

काठमाडौँ । प्रतिकूल मौसमका कारण दुई दिनदेखि सगरमाथा आरोहण अवरुद्ध...

दस महिनामा एक लाख ७७ हजार पर्यटकद्वारा अन्नपूर्ण क्षेत्रको भ्रमण

दस महिनामा एक लाख ७७ हजार पर्यटकद्वारा अन्नपूर्ण क्षेत्रको भ्रमण

गण्डकी । पदयात्राका लागि प्रसिद्ध अन्नपूर्ण क्षेत्रमा विगत १० महिनामा...

स्थानीयको अथक प्रयासपछि पर्यटकीय गन्तव्यका रुपमा विकास हुँदै ऐतिहासिक शीतल गुफा

स्थानीयको अथक प्रयासपछि पर्यटकीय गन्तव्यका रुपमा विकास हुँदै ऐतिहासिक शीतल गुफा

हरि बाँस्तोला, गण्डकी । ऐतिहासिक, धार्मिक एवं पुरातात्विक महत्व बोकेको...

ग्रामीण क्षेत्रमा सञ्चालित घरबासमा आन्तरिक पर्यटकको चहलपहल

ग्रामीण क्षेत्रमा सञ्चालित घरबासमा आन्तरिक पर्यटकको चहलपहल

राँझा (बाँके) । बाँकेको ग्रामीण क्षेत्रमा सञ्चालित घरबास (होमस्टे)मा आन्तरिक...

पाथीभरा केवलकार निर्माणको विषयमा स्थानीयबीच नै मत बाझियो

पाथीभरा केवलकार निर्माणको विषयमा स्थानीयबीच नै मत बाझियो

दिलकुमार लिम्बु, फुङ्लिङ (ताप्लेजुङ) । ताप्लेजुङको पाथीभरामा केबलकार निर्माण गर्ने...